وضعوا لها السم في الطعام | القطة التي قتلها المسئولون بدار الأوبرا.. “صديقة الفنانين”
كتبت- مي طارق
تداول رواد مواقع التواصل الاجتماعي منشور بشأن قيام بعض المسئولين في دار الأوبرا بقتل قطة، الأمر الذي أثار ضجة كبيرة بين جمهور السوشيال ميديا الذين دعوا جمعيات الرفق بالحيوان للتحرك واتخاذ إجراءات قانونية ضد المسئولين في دار الأوبرا.
القصة وما فيها كما تداولها رواد السوشيال ميديا
فاجعه اخلاقية وإنسانية حدثت بالأمس في دار الإوبرا، وزارة الثقافة، حيث قاموا بقتل قطة المهرجان، وننتظر رد وعقاب، فاكرين القطة المشهورة التي تصدرت وسائل الإعلام المحلية والعالمية في مهرجان القاهرة السينمائي الأخير، وقد إيه كانت طيبة وبتحب الناس، وفعلا مسابتش واحد في المهرجان غير وسلمت عليه.
القطه دي طيبة جدا واتشهرت جدا لدرجة أن في ناس ممكن يروحوا مخصوص يلعبوا معاها، وجت من كام اسبوع خلفت وقاعده بأولادها على جنب والناس بتروح تأكلها في مكانها.
تخيلوا إن إدارة الإوبرا قامت بالتخطيط لقتل القطة الجميلة دي، وقالك إيه ده إزاي حديقة الأوبرا فيها قطة وكمان خلفت !! دي تتقتل! واستغلوا جوعها وجابوا علبه تونة ووضعوا فيها السم! استغلوا جوعها هي وأولادها.
وبعد ثوان من الأكل هي وأولادها، بطنهم بدأت تتقطع لغاية ما أخر نفس فيهم طلع وهي كانت بتتعذب مرتين، مره من الألم ومره من صراخ أولادها.
القطه البريئه وأولادها اتعذبوا عشان إنسان مر يض لا يعرف دين ولا إنسانية قرر يسمهم تخيلوا! طيب ايه وجه الضرر من القطة لإدارة الأوبرا!
اللي اخد القرار ده مينفعش يمسك منصب في أي جهه تابعة لوزارة الثقافة! الثقافة يعنى الرقي والتفكير واحترام مخلوقات ربنا! فين الرحمه وفين الإنسانية! وايه وجه الضرر من قطه العالم إتكلم عنها! وننتظر رد من وزارة الثقافة.
