أول رد من شيرين عبد الوهاب على تسريبات “حماها”
كتب: أحمد محمود
فى أول رد لها على أزمة تسريبات “حماها” عن مشاكلها وخلافاتها مع زوجها الفنان حسام حبيب، نشرت شيرين عبدالوهاب على صفحاتها على وسائل التواصل فقالت: “أنا بخير ومفيش أى خطر علي حياتي”.
وأضافت: “بالنسبة للى حصل، مش هينفع أرد بكلمتين، إن حسام جوزي ده إنسان من أنضف رجال الدنيا، وإنسان محترم ومتربي، وبيحبني أكتر من نفسه، وميستهلش كل ده، عاوزه أقولكم الراجل ده ربنا حطه فى طريقي وأنا مدمرة، وحماتي ست عظيمة”.
وكانت مجلة الجرس اللبنانية، قد نشرت “تسريبات” منسوبة لوالد زوجة الفنانة شيرين، الطيار المتقاعد، حسين حبيب، والد الفنان حسام حبيب، حول مشاكل شيرين، وخلافاتها مع زوجها الفنان حسام حبيب.
وتم تداول المقاطع الصوتية بشكل واسع، ويتحدث فيها “حما شيرين” عن خطة نجله للزواج سراً من شيرين عبدالوهاب، من أجل إنجاب أطفال، ويعترف بأن الأخير يتحكم في جميع الحسابات المالية لها ويأخذ أموالا من حساباتها دون الرجوع إليها، ويصفها بأنها شخصية «ملولة» تطلب الطلاق باستمرار، وأنه يحاول الزواج من فتاة أصغر منها فى السن،
وأضاف “حما شيرين”: حسام متزوج منها وبيشتغل معاها مدير أعمالها من المفروض بقى أنه يكون له نسبة من الأرباح مثل نسبة مدير أعمالها القديم ياسر خليل، أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجة ومأمن بنفسه جدا، وشيرين عاملة لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها بس”.
