الأزمة تشتعل.. زوج هالة صدقي لأولاده: “مش أمكم والحكم لـ dna.. وساعتها مش هرحمها”
كتبت- مي طارق
أثارت الفنانة هالة صدقي، حالة من الجدل بعد ظهور زوجها مُطالبًا بتحويلها للطب الشرعي وعمل تحليل DNA، منكرًا نسب أبنائه منها إليه.
وتداول رواد مواقع التواصل الاجتماعي فيديو لمحامي اتهم خلاله الفنانة هالة صدقي بالاستيلاء على أموال زوجها بموجب توكيل بشكل مثير للدهشة، ودون أى سند قانوني.
ونشر سامح سامي، عبر صفحته الرسمية بموقع التواصل “فيسبوك”، اليوم الخميس، رسالة لابنه سامو وابنته مريم، قائلًا:”لآخر مرة بقولها يا سامو ويا مريم، هالة صدقي دي مش أمكم، والحكم في قضية الـ”dna”، يوم 13 يوليو وكله سيتحول للطب الشرعي، وأنا ساعتها مش هرحمك”.
يذكر أن الفنانة هالة صدقي قد تلقت من زوجها إنذاراً بالطاعة.
وعلقت هالة صدقي في تصريحات تلفزيونية: “أنا موافقة جدًا على الطاعة ومش معترضة، بس شقة الزوجية كانت إيه؟ دي شقتي اللي أنا اتجوزت فيها وخلفت فيها وعشت فيها، واللي هو سافر وسابنا منها، والعنوان اللي كاتبه عنوان شقة أبوه”.
وتابعت صدقي: “في آلاف أو ملايين الحالات زي حالتي، لكن أصواتهم مش بتوصل، وأكيد في ستات كتير بيتعرضوا للمواقف دي. القوانين دي حقيقي كلها في صف الرجل وتهين المرأة وتجرحها بشكل أو بآخر”، مضيفة: “الراجل دا الحقيقة ممكن يكون عايز شهرة، وممكن مر بظروف نفسية صعبة لخبطته. لأن إحنا من شهر الراجل منزل فيديو بيقول أنا طلقتها على الهوا. وفي الوقت نفسه بيبعتلي ماسيجات عياط وانهيار واعتذارات، لكن عيب أطلعها”.
