تامر حسني: “أمي بترقيني وتدعيلي دايما وهي وأبويا سبب نجاحي”
كتبت- مي طارق
كشف الفنان تامر حسني، عن سر نجاحه في الفن وحياته، مؤكداً أن والديه هما سبب نجاحه في عمله وحياته بشكل عام.
يهمك.. تامر حسني يرد على حلا شيحة: “أنا زعلان منك جدًا ومستحيل هرد بطريقتك اللي فيها تجريح واتهامات”
وأكد “حسني” خلال تصريحاته، ببرنامج “صباح البلد”، المذاع عبر فضائية “صدى البلد”، اليوم السبت، أنه بدون والديه لم يكن ليصل إلى هذه المكانة المرموقة، متابعا: “حب الجمهور أحلى حاجة في حياتي ومكنتش هوصل للي أنا فيه من غيرهم وطبعا قبل كل شئ سر نجاحي هو دعوات أمي وأبويا اللي من غيرهم مكنتش هبقي ناجح كدة”.
وأكمل: “أمي بترقيني وتدعيلي دايما أنا في مكاني دلوقتي بفضل دعوات امي وابويا وحبهم فيا وحبهم ده أنا بحب أعيشه وأوصلو لجمهوري العظيم إلي دايما سبب نجاحي”.
وأضاف: “بحب الناس وبحب أساعد الناس وبحب ابقى في مكان كل اللي حواليا مبسوطين”، مستطردا :” أمي وأبويا ربوني على إني ابسط الناس اللي بيحبوني وبيتابعوني والي مش بيتابعوني أنا بحب اوصل للناس تجربتي وحبي ليهم”.
وأشار حسني إلى أن نجاح فيلم “مش أنا” هو سبب دعاء أمي وأبويا ودعاء أولادي ومراتي ودعمهم ليا، لافتا إلى أن كرم الله عليه بسبب اجتهاده ورضاء والديه.
وكشف حسني سر عرض فيلم “مش أنا” في أوقات خارج الأوقات المعتاد عليها الجمهور ، موضحا :” سبب إن الفيلم اتعرض قبل موسم العيد هو إن السينما تعود ومتكنش مرتبطة بمواسم وتكون شغالة طول السنة ” .
