الرئيس السيسي: الحكومة تتعذب حتى نحول حياة الناس والبلد من لا دولة إلى دولة
كتب: إبراهيم الكاشف
أكد الرئيس عبد الفتاح السيسي، أن قضية الوعي هي أخطر قضية تواجه المجتمعات في العالم، متابعا: “الناس بتشوف وضع.. وتقول الواقع ده مين السبب فيه.. ضعف المسئولين.. ومفيش إرادة سياسية ومفيش حل.. الموضوع على بعضه.. الموضوع عبارة عن أمور مركبة تنتج حالة يصعب على الدولة تجاوزها.. المجتمع والشعب عاوز يعيش.. ومش قادر يعيش بالطريقة دى”.
وأضاف الرئيس السيسي خلال فعاليات افتتاح مشروعات سكنية متنوعة فى مدينة بدر: “طب أن هسأل سؤال.. علماء النفس والاجتماع يقولوا الحياة هنا لودلانا الأطفال.. المزاج العام إيه؟.. القيم والمبادئ ايه؟.. السلوكيات العامة ايه؟.. المستقبل والطموح ايه.؟. انا عاوز أسئلكم.. يبقى لازم ناخد بالنا”.
وأوضح الرئيس السيسي، أن الدولة المصرية استطاعت التعامل مع ملف الإسكان، قائلًا: “ربنا وحده اللى يعلم.. احنا قاعدين نشتغل.. والحكومة بتتعذب وهتتعذب معايا.. وآى مسئول هيشتغل في الدولة هيتعذب.. العذاب مش هدف.. ظروف بلدنا بتطلب أننا نتعذب لها.. حتى نحول حياة الناس والبلد من لا دولة إلى دولة.. الدولة اللى فيها عشوائيات مش عايشة وملهاش مستقبل.. الشخصية اللى هتطلع في حياة بالطريقة دى مش هتطلع سامحونى اقلكم دى شخصية سوية وقادرة على العطاء”.
وتابع الرئيس السيسي: “تفتكروا 3-4 ملايين أسرة لما نطور حياتهم بشكل كامل.. ده برنامج ممكن يدخل في أكثر من تريليون جنيه “ألف مليار”.. الدعم في 10 سنين 3 تريليون.. الفلوس موجودة لازم تتنظم”.
