سر صورة زوجة محمد صلاح.. و “البوست الترند على فيسبوك”
كتب: أحمد السيد
نشرت عزة فؤاد أحد مسئولى صفحة “صور أهل مصر زمان” على موقع التواصل “فيسبوك”، صورة لنجم مصر العالمى محمد صلاح تضم اللاعب الكبير معشوق الجماهير، وأسرته الصغيرة المكونة من زوجته وابنتيه، وأرفقت الصورة بالتعليق التالى:
“ بعد ماشوفت الصورة دي قعدت أفكر لـ لحظات في زوجة محمد صلاح ابن نجريج بسيون #محافظة_الغربية ..
اللي إتقدملها و هو لسة لاعب صغير في فريق صغير.. عقده ميكفيش يجيب شقة في مكان كويس ولا مهر و شبكة ،
و مستقبله كله متعلق برجله .. يعني لو لاقدر الله حصله حاجة مش هيلاقي يأكلها.
لأنه ببساطة معندوش شغلانة غيرها .. قعدت أفكر و أقول ماذا لو كانت رفضته !!
يا تري كان هيبقي شعورها إيه دلوقتي و هو بطل أقوي دوري في العالم
و راتبه اليومي ماشاء الله يعمل رقم بالجنيه المصرى !
ياتري حسرتها كانت هتبقي لأي درجة و هي قاعدة مع راجل تاني
لمجرد إنه قدر يجيبلها شقة تلت مطارح زي ما أمها وابوها كانو عايزين مثلا !
الخلاصة إوعي يابنتي ترفضي (رااااجل ) عنده حلم
لمجرد بس إنه مش من مستواكي و ظروفه مش قد كدة ..
ظروفه دي هو إتولد لقي نفسه فيها مختارهاش بإيده ..
لكن يإيده هو يغيرها للأفضل ..
برجولته ومثابرته على النجاح والكفاح حيوصل ..
و متربطيش علاقتكم ببعض بتغيير الظروف دي .. إتجوزيه وغيروها مع بعض..
إبدأو الرحلة سوا علشان تنهوها سوا”
وحاز “بوست” عزة فؤاد كثير من التفاعل والمشاركات على “فيسبوك”.
