أخصائية أطفال توضح الخطوات الـ 10 لمنع مضاعفات الإسهال
كتب: أحمد السيد
قالت الدكتورة إيمان عز الدين، أخصائي أطفال، إن هناك 10 خطوات لمنع مضاعفات الإسهال ومنها:
١_استمري في الرضاعة الطبيعية في كل الحالات .. لا توقفي الرضاعة الطبيعية أو تستبدليها
2_تطعيم الروتا يقلل من فرص النزلات المعوية الفيروسية و مضاعفاتها
3_اغسلي يديك جيداً والأواني المستخدمة لطعام طفلك
4_لو الطفل لسة ما كلش و فيه إسهال ..الحل رضاعة مع محلول الجفاف الكيس على 200 سم ماء بالسرنجة او الملعقة 50 سم بعد كل مرة إسهال أو قيء واحدة واحدة مش مرة واحدة بالسرنجة أو الملعقة
5_لو الطفل بياكل ممنوع عصاير مسكرة هتزود الإسهال ..الطفل ملهوف على الشرب ..بلاش مياه بس… الصوديوم في جسمه هيقل..
أكلات كويسة..شوربة الرز..بطاطس مسلوقة..جزر مسلوق..مع رضاعة لو بيرضع مع المحلول بنفس الكمية
طيعا ممنوع أكل محفوظ أو مصنع المحلول يذاب في ماء مش في سڤن أب
6_لو فيه قيء مستمر أو الولد مش قابل الأكل أو الشرب ممكن يحتاج محاليل وريدية للتعويض
7_ممنوع أدوية توقف الإسهال… بتحجز حاجات مفروض تخرج من الجسم
السوايل هي التعويض الأساسي
8_ممنوع مضادات حيوية إلا برأي الطبيب في وجود علامات العدوى البكتيرية
أغلب النزلات المعوية ڤيروسية
9_حافظي على نضافة ايد طفلك و لو كبير علميه يغسل ايده كويس قبل الأكل و بعد الحمام
10_شراب الزنك يقلل شدة النزلة المعوية و يقلل فرصة تكرارها
