اَخر مستجدات الحالة الصحية للزعيم عادل إمام.. شقيقه يكشف التفاصيل

كتب- أحمد محمود

نفى المنتج عصام إمام، إصابة شقيقه الفنان عادل إمام، بفيروس كورونا كما انتشر على مواقع التواصل الاجتماعي.

يهمك.. ما هى علاقة الشيخ حسين يعقوب بالممثل عادل إمام ؟| فيديو

وقال إمام خلال اتصال هاتفي ببرنامج “التاسعة”، المذاع على شاشة التلفزيون المصري، “مفيش حاجة من الكلام دة، الزعيم بيتمتع بصحة جيدة، وخلصنا أجازتنا في الساحل، واحنا حاليا في القاهرة”.

وأضاف أن الفنان عادل إمام بدأ في قراءة عدد من سيناريوهات الأعمال الفنية، “بدأ يقرا شوية حاجات، أهم حاجة عشان يرجع تاني لازم يكون عنده موضوع حلو والورق حلو، وفي كذا موضوع بيقراهم، وربنا يسهل”.

وتابع: “نطمن كل المشاهدين سواء هنا أو في البلاد العربية، أنا جالي تليفونات من كل مكان في العالم بيطمنوا، ليا رجاء من الصحفيين مفيش مانع انهم يكتبوا، لكن يتحروا الخبر، لو حد سمع حاجة زي كدة يكلم أصحاب الشأن، ودي مش أول مرة ومعرفش إيه المقصود بيها”.

يذكر أن آخر ظهور للفنان عادل إمام على شاشة الدراما، كان من خلال مسلسل فلانتينو عام 2020، وهو من تأليف أيمن بهجت قمر، وإخراج رامي إمام.