بالصور.. والد ياسمين صبري ينشر صور قديمة.. “اتجوزت من ورايا وطعنتني في ضهري”
كتبت- مي محمود
شنّ أشرف صبري، والد الفنانة ياسمين صبري، هجوما حادا على ابنته بعد تصريحتها الإعلامية التي أثارت جدلا كبيرا مؤخرا، بشأن خلافها مع والدها.
طالع المزيد| ياسمين صبري تتصدر جوجل..اعرف السبب
ونشر أشرف صبري، صورا لابنته ياسمين من خطوبتها الأولى، مكذبا تصريحاتها عن علاقتهما السيئة منذ الصغر، قائلا “اتجوزت من ورايا وبدون علمي”.
خطوبة ياسمين
وعلّق على صور خطوبة ياسمين الأولى عبر حسابه على فيسبوك، قائلا “بعد ماسمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟ أصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا، وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها”.
لم تحضر فرح شقيقها
وتابع: “الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟ أنا عملت لها حياة كريمة راقية ومحترمة وماكنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا”.
وأضاف: “واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده، وحسبي الله ونعم الوكيل”.
