«بالعربى الكسيح»: التالت على الثانوية العامة
سردية تكتبها: ميرفت قاسم
” مساء الخير، نتعرف عليك ..
– أنا اسمى أحمد التباع، ساقط إعداديه، و سجلولى مكالمه جنسيه، متكسفتش .. كملت فى حياتى عادى وبقيت نجم مجتمع وكل الميديا بتعمل معايا لقاءات وعملت اعلانات كمان وكسبت فلوس كتير .. كتير أوى ، المكالمات الفاضحه طلعت بتكسب الصراحه.
و حضرتك ؟
– أنا محمد رمضان الشهير بحبيشه أو الالمانى أو الأسطوره أونمبر ون .. أنا حلم كل شاب وكل فتاه .. سوبر ستار ، بطلع بلطجى وبقتل ومدمن والمشاهدين كلهم بيتعاطفوا معايا وبيقلدوا شكلى .. مبحبش أتكلم عن نفسى كتير بس انا بكسب ملايين ولسه شارى عربيتين جداد لامبرجينى ورولز رويس وفيلا ب ٣ جناين اعد فيهم لوحدى.وكمان طياره
…………………………………………………………………………………………………………………………………………………
طالع المزيد| أول رد من التعليم على الصور الساخرة المتداولة لمنهج الأحياء
عقب تتويج يد الزمالك بكأس السوبر الأفريقي .. رسالة ساخرة لـ خالد الغندور
…………………………………………………………………………………………………………………………………………………
وحضرتك؟
– أنا ولا أنا ؟ تن ترارن تنتن … هههه.
أنا الخليل كوميدى .. أصل الضحك فى مصر .. لزج .. لزج أوى . لا لزج جدا .. بحب اتشتم أوى بطلع اقول نكت بيض ، والناس خلتنى مشهور وبتدينى أعلى نسبه مشاهده ، وكل القنوات بستضيفنى وكسبت فلوس كتير ولسه مغير العربيه .. عربيه ولا انجليزيه .. تن تراراران تن تن ..
بس كفايه اسكت .. وحضرتك ؟
-أنا حمو بيكا ،، اشتغلت مبيض محاره وصبي جزار و تباع علي ميكروباص وما كنتش لاقي اكل ،، اشتغلت مطرب افراح وباغني كلام مالوش معني ،، وصوتي زي الزفت ،، وشاكلي زي ما أنت شايف ،، لكن بقيت نجم وباخد في الحفله 80 الف جنيه أكثر من منافسي مجدي شطه الألدغ في خمس حروف واللي اشتري فيلا في الساحل من الكلام اللي الهجص اللي بنغنيه ،،
شكرا نكتفى بهذا القدر ، حضرتك ليه مخبى نفسك وقاعد بعيد كده ؟ مش هتقدم نفسك ؟
– أنا الدكتور محمد سليم، التالت على الثانوية العامة سنه ٨٦ دكتوراه فى الهندسه النوويه وناشر ١٦ بحث فى كيفيه استخدام الطاقه النوويه فى توليد الجزيئات الكهرومغناطيسيه وتحويلها الى طاقه كهربيه ، الفت ٣ كتب ملقتش دار نشر ترضى تنشرهم ومسجل ٦براءات اختراع مفيش حد وافق انه حتى يسمع تفاصيل الاختراع علشان يموله . عندى ١٢٨ حمرا ومقدم على قرض علشان أجيب ٤ فرد كاوتش، وللاسف القرض اترفض علشان الدكتور عبد الستار مديرى فى المركز مرضيش يختملى مفردات المرتب بختم النسر.
نعيب زماننا والعيب فينا وما لزماننا عيبٌ سوانا.
بس كده خلص الكلام!.”
