ميرفت قاسم تكتب «بالعربى الكسيح»: لو فارق معاك !!
اللي طلع في اسانسير داس علي زرار و ظبط شكله في المرايا
و اللي طلعها خطوة خطوة علي سلم شافها بتفاصيلها
أبواب و حيطان و أرقام و ناس طالعه و ناس نازله
وحس بأنفاسه وتعبه
ووقف ريح في النص و بعدين كمل تانى
مسح عرقه و بعدين ظبط هدومه و سلم علي اللي طالع و اللي نازل..
المهم لما الاتنين بيوصلوا ده شاف كتير ، و التاني شاف نفسه بس
انا ما بحكمش مين أحسن من مين ” بس الرحلة غير ؟ ”
لو فارق معاك تتعلم خد السلم من أوله علشان ما تجيش في النص و تعطل و علي فكره ساعات الاسانسير لما بيعطل اللي طالع علي السلم بيوصل اسرع و التاني متعطل..
و هي دي الحياه ، ما تركزش مين طالع ازاي ، خليك في سلمتك ودورك .. استمتع وانت طالع واتفرج وأخرة السعي رزق ، ماتبصش لرزق غيرك عشان رزقك هيعدي من جنبك ومش هاتشوفه..
ملخص القول “حبوا الخير لبعض محدش بياخد رزق حد ”
