نشوى مصطفى للأجيال الجديدة: “ركزوا على التريند وانسوا كلامنا العبيط”
كتبت- إيمان محمد
كتبت الفنانة نشوى مصطفى، عبر صفحتها الشخصية على موقع التواصل الاجتماعي”فيسبوك”، بوست عن الشباب الموهبين فنيا، قائلة: “ربنا حيحاسبنا على شباب موهوبين حقيقيين لما كانوا بيسألونا نبتدى منين كنا بننصحهم إن دراسة الفن شئ مهم”.
يهمك.. بعد وصفها رشوان توفيق بأولياء الله الصالحين.. نشوى مصطفى: ياريت اللي بيهاجموني يفهموا
وتابعت: “عفواً ياشباب ضيعنا عليكم فرصتكم فى النجومية والتألق والتحقق، سامحونا معلش الاساتذة اللي اتربينا فنياً على ايديهم هما اللي خدعونا وفهمونا غلط، فهمونا إن الموهبة الحقيقية لازم ندعمها بالدراسة والثقافة، فهمونا إننا لازم نقرى كتير فى كل حاجة وندرس أدب وفن تشكيلى وموسيقى”.
واستكملت: “فهمونا إن الفنان سفير بلده وفهمونا إن الفنون نور، فهمونا إن الفنون جمال بينعش الروح والوجدان، باصحح غلطتى وباحذركم، اوعوا تضيعوا وقتكم، ماتاخدوش نصايح مننا، ركزوا على الترند وانسوا خالص كلامنا العبيط”.
