شيرين: الصلح في حالتي معجزة.. والراجل لازم يفضل دكر

كتب: حسام جمال

قالت الفنانة شيرين خلال لقاء مسجل مع الإعلامى عمرو أديب في برنامج الحكاية: الصلح في حالتي معجزة من ربنا، اللى انا فيه كان ليه تمن وبيندفع والموضوع مستحيل، ولازم الراجل يفضل راجل والست تفضل ست لو بتكسب 2 مليون جنيه في الشه

وأضافت: لو جوزى بيشتغل سواق تاكسى وادانى 10 جنيه وقالى دى مقدرتي هبوس جزمته واقوله على راسى من غير ما يبص الست بتاعته بتكسلب كام، لكن لو الراجل حس أن الست بتاعته أعلى منه في اى شيء خصوصا الماديات هيحس انه ضعيف، لكن الراجل يفضل راجل ودكر بالقرش بتاعه لو عاجبك تعيشى على كده دي مقدرتك مش عاجبك روحى لحال

مش مطلوب من الراجل أنى يدفعلى تمن فستان هروح اغنى بيه في الهند ولا الإمارات مقدرته في الفلوس اللى هاكل بيها أنا وعياله

وعن فترتها القادمة ما إذا كانت لن تكرر التجربة او تنتقل إلى تجربة أخرى قالت: أنا لسه بحبه، اكتشفت ان الست المصرية دى اصيلة أوى، مش بتاع ضوافر ولا الرموش ولا الكلام ده، احنا ناس بنعيش اليوم بيومه وانا ست من القلعة وقبل الطلاق بأربعة أيام كنت بفرجهم على منطقتي، كأى منطقة في إيطاليا.

وتابعت: انا بنت حضارة إسلامية مش فرعونية، وهو كان منبهر جدا ودى مش أول مرة دى تانى مرة، ودايما لما بنروح هناك بنروح 3 بالليل وعلشان كده مش بعرف اتأقلم في التجمع الخامس ولا أكتوبر الأماكن اللى أعمارها 40 و50 سنة ما تاكلش معايا انا ست قديمة قوى لازم المكان اللي أعيش فيه يكون أصيل زى المكان اللى اتولت فيه..ك.ر.