من كلماته وغناء رحاب صالح.. الشاعر سيد تقى يطرح أغنية «ندهت الطفل»
كتب: حسين خيرى
نشر الشاعر سيد تقى على قناته بموقع “الفيديوهات” يوتيوب، أغنية جديدة من كلماته بعنوان: “ندهت الطفل”
الأغنية التى تندرج كلماتها فى شعر “الخماسيات” التى يبدع فيها الشاعر سيد تقى تغنيها المطربة الشابة رحاب صالح، وألحان ياسر أنور، ومن توزيع ديفيد الجميعى.
وتقول كلمات الأغنية:
ندهت الطفل من جوايا قلت اخرج
عمل لى كبير وقال أنا تعبان
حايلته كتير عشان يخرج ويتنطط
ويضحك ضحكة من قلبه ترد الروح
رفض يخرج وكان مغرور ومتعصب
حكايتك أيه وعودك يا ابنى لسه اخضر
جاوبنى بصوت يدوب طالع أنا مخنوق
وخلينى كده ساكت ومن غير صوت
كفاية تدور فى دنياتكم تيران فى ساقية مربوطة
مابين رحايا مطحونين وآخر الليل يدوب عشوة
تاكلها وانت من وجعك ما تعرف طعم من ريحة
يادوب عايش عشان الساقية من غير تور تبطل لف
سيبهم يا دونيتى عايش مع الضحكة وتنطيطى
وها افضل فى الطفولة لحد ما تتغير.. تبطل لف
ندهت الطفل من جوايا قلت خرج
ندهت الطفل.
شاهد الفيديو:
