لفتة إنسانية.. العوضي يستجيب لطلب “بوجي”: “جيتلك وعلى الله حكايتك”
في لفتة إنسانية جميلة استجاب الفنان أحمد العوضي، لطلب الشاب حسام بوجي، بلوجر، بمقابلته، الأمر الذي أثار ضجة على مواقع التواصل الاجتماعي، بعد طلب حسام مقابلة العوضي وأمير كرارة.
الشاب حسام يعاني من التنمر؛ بسبب عيب خلقي، وكان لديه حلم ورغبه في أن يقابل الفنان أحمد العوضي والفنان أمير كرارة، بسبب حبه الشديد لهما وتأثره بهما.
وقال الفنان أحمد العوضي، إن من يتنمر على الشكل شخص ناقص، موضحا أن الرجل ليس بشكله لكن بسلوكه.
وتابع العوضي، “كعبو صديق بوجي، رجل مخلص، وحريص على أصول الصداقة، مفيش راجل بشكله، ولا راجل حلو، الحلاوة دي للستات، أمير كرارة كلمني وهو في دبي، وباعتلك السلام، وبيقولك أي حد يضايقك متشيلش هم، أنت معاك باشا مصري والخديوي، وعلى الله حكايتك دي بتاعتك، اعتبرها بتاعتك».
واستكمل العوضي حديثه مع حسام بوجي، قائلا: «ما تضايقش نفسك، وتخش تقرأ الكومنتات اللي بتضايق، عين بتحب وألف بتكره، أنا هبقى مشهور بسببك، وإن شاء الله تطلع والدتك الحج وعمرة كمان».
ووجه العوضي حديثه للمشاهدين: «أنا مبسوط إني كنت مع حسام انهارده وكعبو، متشغلش بالك بأي كلام وحش يشغل عن طريقك، الكلام الحلو بس كمل ببيه ومتركزش على الكلام التاني».
