حرب على “السوشيال” بين ريهام سعيد والهواري بسبب سامي: “مش أنت اللي تشمت في زميلك”
كتب- محمد محمود
دخلت المذيعة ريهام سعيد، في جدل ساخن مع المخرج مجدي الهواري؛ بسبب منشور كتبه عبر حسابه الشخصي بموقع التواصل الاجتماعي “فيسبوك”، حيث اعتبرته ريهام نوعا من أنواع الشماتة منه في المخرج محمد سامي، بعد قرار “المتحدة” بإيقاف التعامل معه.
يهمك.. تفاصيل| ريهام سعيد تُلمح بصورة “قاعدة حمام” لشاكوش.. والأخير: “رأيت في حفلتهم أمور ميصحش”
وكتب المخرج مجدي الهواري: “عارفين المثل اللي بيقول لا يصح إلا الصحيح ولا ايه؟”، لتهاجمه ريهام سعيد، وترد عليه، قائلة “بس مش أنت اللي تكتب البوست ده، لأنه في الآخر زميل والزملاء يقفوا جنب بعض مش يشمتوا في بعض”.
ورد عليها مجدي الهواري في التعليقات قائلا: “مين الآخر ومين الزميل ومين اللي بيشمت.. أعتقد كلامك لحد تاني، وفي مكان تاني وبالرغم إني مش محتاج أبرر ولكن أنا سمعت الخبر من التعليقات، ومش محتاج أقول المقصود الحقيقي من البوست، أعتقد إن حلفاني يكفي ومش مضطر أبرر”.
وتابع: “أنا حر في ما أدونه على حسابي الشخصي، ومش هخش أبدا في نوع من التريندات، لإني مش من المدرسة دي خالص، ولا من الناس اللي بتعمل كدة، وهتلاقي متابعيني وأصدقائي شبهي ومحترمين زيي”.
واستكمل “وكمان ولا محتاج شهرة مثلا، وتاريخي يشهد على احترامي للجميع ومن الجميع تحياتي، هتلاقي ناس تانية في أكونتات تانية عايزة لقطة وماشيين مع التريند، مش هنا ! ولا أنا”.
وكانت قد أعلنت الشركة المتحدة للخدمات الإعلامية، اتخاذ قرار بوقف التعامل مع المخرج وكاتب السيناريو محمد سامي عبد العزيز.
