عمرو مصطفى لمحمد رمضان: “ابعد عن المشاكل واتعلم من أخطائي.. ومتدخلش مصر في أزماتك”
كتب- أحمد حسين
كتب الملحن والمطرب عمرو مصطفى، منشور عبر صفحته الشخصية على موقع التواصل الاجتماعي “فيسبوك”، نصح فيه الفنان محمد رمضان، بأن يبتعد عن المشاكل ولا يقحم اسم مصر في مشاكله الخاصة.
يهمك.. نكشف سر التحفظ على أموال محمد رمضان
وأضاف “أنا خوضت مشاكل كتيرة جداً ملهاش قيمة، وده قولته في برنامج العرافة رمضان اللي فات طلعت وقدمت نصيحة لمحمد رمضان انه يستفاد بتجربتي و يبطل مشاكل.. لكن للأسف النهاردة اتفاجئت انه بيقحم اسم مصر في مشاكله الشخصية عن طريق محاولة قلب الحقائق بفيديو يخص مشكلته الشخصية في التحفظ على امواله”.
يهمك.. عاجل.. التحفظ على أموال محمد رمضان.. ويؤكد: “عندي فلوس في البيت قد اللي في البنوك”
وتابع “غير تلميحاته بأن مصر و اهلها لو محتاجة فلوسي يتفضلوا انا جاهز !! .. لا يا رمضان مصر واهلها مش في حاجة لفلوسك ولا لفلوس اي حد .. بعد اذنك حل مشاكلك الشخصية من غير ماتدخل اسم بلدي في ازماتك.. والجمهور المصري الي انت بتخاطبه بمشكلة شخصيه ده جمهور واعي جداً وينتمي لمصر اولاً قبل محمد رمضان او اي فنان آخر، الولاء الأول و الأخير لمصر “.
واختتم “أنا كشخص من القوة الناعمة اللي بتمثل مصر واجبي اني احذرك من اقحام اسم بلدي في ازماتك، وواجبي اني اغير على بلدي انا و اي حد بيحب البلد دي”.
