شريف مدكور يرد: “واحد عاوزني أسلفه عشان يسدد قسط الموبايل.. لما كان عندي كانسر مقولتش لحد أدعيلي”
كتبت- مي طارق
تعرّض الإعلامي شريف مدكور، إلى انتقادات حادة خلال الساعات القليلة الماضية؛ عقب نشره بوست أمس، عبر صفحته الشخصية على موقع التواصل الاجتماعي “فيسبوك” أكد خلاله أنه لن يسلف أحدًا “فلوس”.
ذات صلة.. شريف مدكور: “يا ريت محدش يطلب مني انه يستلف فلوس علشان أنا ضد الموضوع ده”
وكان قد وكتب “صباح الخير يا ريت محدش يبعت يطلب مني انه يستلف فلوس علشان انا ضد الموضوع ده انا عارف ان الحياه صعبه بس علي قد لحافك مد رجليك شكراً”.
وأوضح “مدكور” اليوم في بث مباشر على حسابه الشخصي بـ”فيسبوك”، أنه حدث سوء فهم من قبل الجمهور بعدما كتب هذا المنشور على صفحته، مؤكدا أنه لا يتأخر عن المقربين منه الذين يحتاجون إليه، ولكن هناك عدة أشخاص لا يستحقون “السلف”.
وتابع قائلًا: “عايز أفهم.. يعني إيه حد أنا معرفوش يبعتلي على فيس بوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش، فلوسي اللي أنا تعبت فيها”.
واستكمل: “يعني إيه واحدة تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، هل يا جماعة ده طبيعي؟، يعني إيه واحد يبعتلي يقولي محتاج 6 آلاف جنيه يقولي بقالي شهور مدفعتش قسط الموبايل هل ده مقبول؟ أنت اشتريت موبايل ليه أصلا وأنت مش معاك فلوسه”.
وأضاف: “يعني إيه الناس تقول على السوشيال ميديا خسارة فيك الدعاء اللي كنا بندعيهولك وأنت عيان، إيه اللي دخل ده في ده، وأنا عندي كانسر مطلعتش قولت للناس أدعولي، أنا حر في فلوس ربنا أمرني في ديني أني أطلع زكاة ولكن أنا حر في مالي، وأنا حبيت أوضح عشان الموضوع أخد أكتر من حجمة وقولت علي قد لحافك مد رجليك السلف تلف شكرًا”.
لمشاهدة الفيديو اضغط هنا
