توتي: «صلاح من أفضل لاعبي العالم.. ومصر وإيطاليا شبه بعض»

استضاف برنامج “صاحبة السعادة” النجم العالمي فرانشيسكو توتي، لاعب كرة القدم السابق بنادي روما، خلال زيارته لمصر، وكشف عن تفاصيل تألقه وحياته وحبه للمصريين.

ووجه توتي الشكر لمصر على هذه الاستضافة، قائلا “أنا شخص بسيط، وعادي جدا، وكنت بحاول دايما أني أقدم أفضل ما عندي في كرة القدم لإمتاع الجماهير، و لما أخدت جولة في متحف الحضارة المصري، شعرت إن الآثار المصرية قريبة جدا من آثار روما بشكل أو بآخر، زي تاج العمود مثلا، المصريين والإيطاليين شبه بعض، وبحب محمد صلاح جدا”.

و أضاف “من حسن حظي إني لعبت كرة القدم، وطلبوا مني إني أمثل ولكن دايما كنت برفض، ولكن بما إن صاحبة السعادة هي اللي طلبت، ممكن ساعتها أفكر تاني، بحب الأغاني الإيطالية جدا، وأغنيتي المفضلة “حب كبير “.

بالنسبة لي روما هي واحدة من أجمل مدن العالم، هتلاقي فيها متاحف وقطع أثرية جميلة، وأي زائر بيكون قدامه تاريخ متنوع، ومهم جدا للشعوب إنها تحافظ على الأثار وتتمتع بجمالها بشكل متحضر، بعيدا عن الإهمال وسوء المعاملة.

وتابع “لما بشوف حاجات في مصر بحس إني في بيتي، والمطبخ الإيطالي مختلف عن المطبخ المصري، وسعدت بتناول البيتزا المصرية، وبعتبر كل نجاح لنادي روما، هو نجاح ليا ونجاح لكل مشجع لنادي روما، روما هي جلدي، وأهم حاجة في حياتي”.

وعن حكاية بداية لعبي لكرة القدم، فأنا من وأنا صغير قوي، وكنت بحبها جدا لدرجة إني ما كنتش بطلب لعب تانية زي باقي الأطفال، ودايما كانت معايا الكورة بتحرك بيها في كل حتة، حتي وأنا نايم كانت بتبقي في حضني، ولما كبرت بالتدريج عرفت إنها كل شيء في حياتي سواء كهواية واستمتاع وقضاء وقت مع أصحابي.

و علق الحقيقة في ٣٠ سنة من عملي لم أعلم إزاي يتم ربح الكرة الذهبية، هل هي مكافأة للفريق أو للعمل الفردي، ولعبت أنا ومحمد صلاح في روما، وشوفت صلاح إنه هيبقى لاعب كبير، وصلاح شخص رائع، مهذب جدا، شخص ما تقدرش غير إنك تحبه، دايما تلاقيه بيساعد الجميع، وعمره ما عمل حاجة غير لائقة، وكنت متوقع له النجاح، لأنه لعب معانا ودايما كان بيتطور ويتحسن بشكل سريع، وبيركز في حياته، وبعد التدريبات بيقضي وقته مع أسرته، وهو شخص محدد جدا ومنظم جدا.

‏‎ورأي في صلاح : ” أعتقد أن صلاح هو واحد من أفضل ١٠ لاعبين في العالم، ولو أنا ضمن لجنة التحكيم كنت أضع محمد صلاح في ترتيب أول مركزين” وعلاقتي بصلاح تتجاوز حدود كرة القدم، أما ميسي ورونالدو فاعتقد هم أفضل لاعبي العالم.

واختتم قائلا لم أشعر أبداً بالندم لعدم انضمامي لفريق “لاتسيوا” أو لعدم الاحتراف خارج نادي “روما”، وكل عائلتي كمان كانوا مبسوطين لاختياري.