إلهام شاهين تكشف موقف أسرتها من التبرع بأعضائها
كتب – محمد نور
أكدت الفنانة إلهام شاهين أن أسرتها رفضت تبرعها بأعضائها السليمة بعد وفاتها، مضيفة “قالولي لحظة موتك هاتكون صعبة صعبة جدًا هنستني يفصصوكي والبواقي ناخدها ندفنها”.
اقرأ أيضا.. مهرجان الإسكندرية المسرحي الدولي يكرم إلهام شاهين
وأضافت خلال ندوة الصالون الثقافي الذي يقيمه المهندس عوف همام رئيس مهرجان الإسكندرية: “علشان كده جمعت أخواتي وبلغتهم بوصيتي واجبة التنفيذ أنا عملت كده لأن بابا كان محتاج تغيير كبد ومات قبل ما يلحق وماما خافت أني اتبرعله بجزء مني واتوفي وعمره 64 سنة”.
وأضافت إلهام شاهين: “سألت الدكتور سعد الدين الهلالي والشيخ خالد الجندي وقالولي ده صدقة جارية علي روحك وعلشان كده وثقت تبرعي صوت وصورة وفى الشهر العقاري”.
وكانت الفنانة إلهام شاهين حضرت محاضرة الفنان محمود حميدة في مهرجان الإسكندرية السينمائى لدول البحر المتوسط في الدورة 38 وقالت: “أنا جاية عشان أقول له أنا بحبه أوى إنسانيًا وبحترمه فنيًا ومحمود صديق العمر كله، فمن البدايات وعملنا الكثير من الأعمال سواء مسلسلات أو أفلام، واتذكر في فيلم دانتيلا لما كنا بنتخانق أنا ويسرا عليه وجاتلنا كريزة ضحك وإيناس الدغيدي قالت هتبوظولي الفيلم عشان أصحاب وفركشنا التصوير يومها ومكملناش.
