الرئيس السيسي: دور الجيش يحمي ويصون ويضحى لتبقى مصر مستقرة وآمنة
كتب: على طه
قال الرئيس عبدالفتاح السيسي، خلال حفل تخرج دفعة جديدة من طلبة الكليات والمعاهد العسكرية، مخاطبا أبنا شعبه من المصريين: “خليني أفكركم من سنين 2013 و 2014 وكان الإرهاب بيضرب في بلدنا، وكنتم بتشوفوا شهدائنا ومصابينا”.
وأضاف الرئيس: “كنت بتقولوا الدنيا دي هتفضل كده ولا إيه؟!.
وواصل: “كنت متأكد بفضل الله هنعبر زى كتير من الأزمات ما بتعبر، واللى يقرأ التاريخ هيشوف كده كتير ، وده اللى يهمني أقولكم كده دلوقتي، وبقول لكل المصريين.. الدنيا مش بتفضل على حالها، ودايما ربنا إيده الطيبة موجودة معانا كلنا ومع الدنيا كلها وإلا مكانتش أبدا استمرت”.
كما أكد الرئيس على أن مصر ستعبر الأزمة الحالية: “المرحلة دى إن شاء الله هنعبرها بخير وسلام، وأتصور إننا متابعين كل المصاعب إللى موجودة مش بلدنا بس، ولكن فى الدنيا كلها، ولكن زى ما قلت قبل كده أزمة كورونا مرت بسلام بآثارها، لكن عبرت بفضل الله سبحانه وتعالى، ونقدر نقول إن آثارها يمكن التعايش معاها”.
وواصل حديثه:”برضه الأزمة اللى إحنا موجودين فيها دلوقتي حتى لو كان ليها آثار صعبة علينا دلوقتى، لكن أزمة وهتنتهي بفضل الله سبحانه وتعالى، واللى هتبقا الأوطان والبلاد والاستقرار والأمان والسلام، لأن بالمناسبة مفيش بلد هتتقدم فى الدنيا وتعبر مشاكلها إلا بالأمن والاستقرار”، مؤكدا على أن هذا هو دور الجيش، وقائلا: “إنه يحمي ويصون ويضحى علشان تبقا البلد دي دايما ثابتة مستقرة وآمنة سالمة ان شاء الله”.
وأوضح الرئيس فى كلمته أن “الأمور دايما بتبقى متغيرة ولكن إرادة الإنسان وقبل منها دعم ربنا ومشيئته كل الأمور حتى الصعبة يتم التغلب عليها”.
وأضاف الرئيس السيسي : “لو كنتم شوفتم من سنتين كلنا كنا واقفين ولابسين ماسكات علشان كورونا والناس كانت متصورة أنه آخر الدينا.. لا مش آخر الدنيا ولا حاجة وانتهت بفضل الله سبحانه وتعالى”.
