عمرو أديب،: «كرتونة البيض فيها بايظ.. وصغروا الطعمية.. وكيلو اللحمة بقت استثمار»
كتب: أحمد اتلسيد
أبدى الإعلامى عمرو أديب بالغ دهشته من قيام بعض التجار بتقليل جودة السلع المباعة رغم زيادة الأسعار، مضيفا فى برنامج “الحكاية” المذاع على قناة “أم بي سي مصر”، أن جودة بعض المنتجات تدهورت بشكل لافت.
ووجه أديب رسالة إلى التجار قال لهم فيها: “طيب ياجماعة أنتم غليت الحاجة ظروف بقي والحياة والحرب؛ الحاجة ليه وحشة؟ ليه مستوى الأشياء تدهور وليه حجم الأشياء صغر؟!”.
وواصل أديب تساؤلاته: “ليه في متاجر تاريخ الصلاحية فيها قريب جدا ؟!”.
وضرب أديب مثالا قال فيه: “دعوني أضرب مثالا بسيطا؛ أنا بحب أكل فول وطعمية سندوتشات من يومين بعت أجيب من المحل اللي متعود أجيب منه وقالولي مش موجود هات من اللي جنبه هات من اللي جنبه عايز واحد فول وواحد طعمية ومخلل”.
وواصل: “عايز مخلل بفلوس؛ علبة المخلل متقطع فيها ربع جزرة وحاجة شكلها فلفل حراق؛ قرن فلفل قد عقلة الصباع دة المخلل؛ أفتح سندوتش الفول وأفتح سندوتش الطعمية تمشي كتير جوة السندوتش لحد ما تلاقي الحشو؛ فين الطعمية؟ الطعمياية صغرت جدا”.
وأشار أديب إلى أن السندوتش مفيهوش حاجة وبكام؛ إيه الفكرة يا جماعة؟ ودلوقت عاملين حاجة لطيفة حجم صغير وحجم كبير من أمتي والفول والطعمية فيها حجم صغير وحجم كبير؟”.
وأوضح: “ناس كتير دلوقت بتعاني أن كرتونة البيض في جزء منها بايظ؟ وفي النص في اتنين صغيرين وبتاع؛ طيب والبايظ تيجي تفتحها تروح نازلة كلها صفار طيب مانا دافع؟ أنت ليه واخد مني فلوس زيادة؛ تاخد مني فلوس زيادة وبتديني حاجة بايظة”.
وأضاف: “نفس الشيء الناس بتشتكي من الرز؛ نسبة الكسر في الرز معروفة؛ أنا بتكلم عن السوق في اسكندرية وأسوان الكسر في الرز كتير والطعم مختلف”.
وأكد أديب أن “ناس كتير بقت تقلل من استهلاك اللحوم والدواجن؛ بعد ما كان بياكل عدد من المرات بقي في مرات معينة بيجيب فيها اللحوم والدواجن”.
وقال أديب إن المأساة الحقيقة أن أنا اليوم اللي اروح اشتري فيه حته لحمة تبقى سيئة جدا؛ دا كيلو اللحمة بقي استثمار..”.
وانتهى أديب إلى القول: “رغم ارتفاع الأسعار تيجي تاكل اللحمة لا بتستوي ولا ليها طعم؛ أنت قلتلي العلف زيادة والسماد وبتاع أيه اللي حصل؟”.
