إبراهيم حسن: “مرموش يفتقد الخبرات الدولية.. وتريزيجية وصلنا لكأس العالم”
كتب-أحمد عادل
علق الكابتن إبراهيم حسن، مدير الكرة بنادي الاتحاد السكندري، على هزيمة المنتخب المصري في مباراته أمام نيجيريا، قائلا “الهزيمة واردة في كرة القدم، ممكن تبقي كويس وتخسر، الناس عاوزة تعمل اللي عليك وتلعب بشكل كويس حتى لو خسرت”.
وأضاف خلال مداخلة هاتفية ببرنامج”البريمو” على شاشة تن، “المشكلة انك تخسر وانت لعبك وحش، والمدير الفني له كل الاحترام وحقه يعمل اللي عاوزة، بس في حاجات بترضي الناس وحاجات بتزعلها”.
وتابع “عندنا لاعيبة تقدر تعمل منها قماشة حلوة بس للاسف ده محصلش، تريزيجية من أهم اللاعيبة بالنسبالي مجتهد ومن الأسباب الرئيسية لوصول منتخب مصر كأس العالم ٢٠١٨ كان تريزيجية رقم ١، نرجع للذاكرة ماتش غانا عمل ضربة جزاء كان مجتهد ومؤثر”.
واستكمل “انهاردة تريزيجية راجع من إصابة بقاله فترة، ومرموش يفتقد الخبرات الدولية”.
