كارولين عزمي بعد التعدي لفظيا عليها: “حقي رجعلي.. ولكل بنت اوعي تسيبي حقك”
كتبت- مي محمود
وجهت الفنانة كارولين عزمي، عبر صفحتها الشخصية على موقع “انستجرام”، رسالة شكر لوزارة الداخلية والنيابة العامة، لسرعة الاستجابة في القبض على الشخص الذي تحرش بها لفظيا في الشارع.
اقرأ أيضا.. بالصور.. راندا عبدالسلام: شالوني من المسلسل بسبب إني شبه البطلة
وكتبت كارولين: “حقي رجعلي عاوزة اشكر وزارة الداخلية والنيابة العامة على سرعة الاستجابة ووقفتهم، شكرا انكم مسكتو الشخص ده في نفس اليوم”.
وتابعت “واحب اقول لكل البنات اي موقف تتعرضيله، اوعي تسكتي واجهي ومتخافيش وحقك هيجيلك احنا في بلد فيها قانون”.
واستكملت “مع احترامي لزوجته واولاده بس انا مش هتنازل، واتمنى يكون درس وعبره لغيره”.
وكشفت كارولين عزمي، تعرضها للتحرش داخل سيارتها.
ونشرت كارولين عزمي مقطعين فيديو من الحادث عبر حسابها الشخصي بموقع التواصل الاجتماعي “انستجرام”، وكتبت معلقة عليها: “مساء الخير، أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا”.
وأضافت: “النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش”.
وذكرت: “ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا”.
وتابعت كارولين عزمي: “أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي”.
من ناحية أخرى، تنتظر كارولين عزمي حاليا، عرض مسلسل أبو العروسة الجزء الثالث يوم 29 من يناير الجاري، بطولة الفنانة سوسن بدر، والفنان سيد رجب، ولاء الشريف، محمد عادل، كارولين عزمي، مدحت صالح، نيرمين الفقي، ونجوم جدد على الجزء الثالث من المسلسل، منهم: نور محمود، وفاء صادق، وآخرون.
