محمد موسى لـ حمو بيكا: “مبتعرفش تغني ومحدش هيسقطك لو أنت موهوب”
كتب-محمد محمود
قال الإعلامي محمد موسى، إن حمو بيكا يهاجم نقابة الموسيقيين والفنان هاني شاكر، نقيب الموسيقيين، من خلال تصريحاته بين الفترة والأخرى، قائلا إن حمو بيكا يقول في مكان يذهب إليه يقول “كل ما بروح في مكان بيسألوا ليه أستاذ هاني شاكر بيعمل معاكوا كده”
وأضاف محمد موسى خلال تقديم برنامج “خط أحمر” على قناة الحدث اليوم، أن بيكا دائما يقول “مش مسامح حد قطع عيشه من الغناء في مصر لحد يوم الدين، وبيقول لنقيب الموسيقيين هاني شاكر يعني لما أنت تاخدني وتحطني في لجنة فيها موسيقيين كبار وناس من الأوبرا، يعني أنت مدخلني وعايز تسقطني، وفرقتي اللي شغاله معايا أنت مديهم الكارنيهات ، بس حاطين الكارنيهات في بيوتهم لأنهم بيشتغلوا معايا وأنت موقف حالي”.
وتابع محمد موسى: “ما هي فرقتك واخدة الكارنيهات عشان بيعرفوا يعزفوا لكن أنت مبتعرفش تغني يا بيكا، وبعدين هاني شاكر هيسقطك ليه لو أنت موهوب وصوتك حلو؟ والسؤال يا بيكا ليه مش عايز تشتغل على نفسك وتحسن من نفسك بدل التصريحات الغريبة اللي كل كام يوم تطلع تقولها”.
