ريهام سعيد: “حسبي الله ونعم الوكيل في كل واحد وقفت جنبه واتخلى عني”
كتبت- مي محمود
نشرت الإعلامية ريهام سعيد، بوست عبر صفحتها الشخصية على موقع التواصل الاجتماعي “فيسبوك”، فتحت فيه النار عن الأشخاص الذين تخلوا عنها وقت أزمتها.
وكتبت: “حسبي الله و نعم و الوكيل في كل مفتري و في كل افاق ساهم انه يقضي علي مجهود ناس استمر لسنين طويله . حسبي الله ونعم الوكيل في كل واحد ساهم انه يصدر فكره غلط عني و عن شخصيتي . حسبي الله و نعم الوكيل في كل واحد جاب سيرتي عشان يشدني لمشكله و اطلع في الاخر بتاعت مشاكل لما يكون ليه رد فعل . حسبي الله ونعم الوكيل في كل واحد غلط فيه من غير سبب عشان كل ذنبي اني نجحت . حسبي الله و نعم الوكيل في كل واحد وقفت جنبه واتخلي عني في وقت شده و عارفاهم بالاسم و مش هانسي. حسبي الله و نعم الوكيل في كل واحد مايعرفنيش و قال كلمه وحشه عني”.
وتابعت: “حسبي الله ونعم الوكيل في كل صحفي كتب خبر في عز ازمتي عشان يقضي علي شغلي و اسمي . حسبي الله ونعم الوكيل في الي اتسبب ان اطفال ماتت كل ما كان البرنامج بيقف . حسبي الله و نعم الًوكيل في كل واحد كتب بوست شتيمه عن جهل لما سمع وماشافش”.
واستكملت “المهم ان كل دول فاهمين انهم انتصروا غلطانين انا صحيح اعتزلت لكن انتوا كل يوم يتعرفوني اد ايه انا ناجحه ومهمه وشاطره . عرفتوني قيمه الحياه الحقيقيه و هي الزوج و العيله والاولاد عرفتوني ان المتعه الحقيقيه في طاعه الله وعبادته، شكرا لكن اوعوا تستهونوا بحسبي الله و نعم الوكيل و الله الحق راجع و الاذي راجع تالت ومتلت”.
واختتمت: “اما بقي الي رماني في السجن ظلم ده حسابه عند ربنا عسير انا ام سبت ابني عنده شهر من غير رضاعه من غير ما اعمل اي حاجه . ليه بكتب الكلام ده دلوقتي عشان لا امللك غير الدعاء وعندي يقين ان حقي راجع . انا عملت كتير بس مكنتش مستنيه شكرا بس مكنتش مستنيه برضوا افتري و اذي كده .خلوا بالكوا في ناس وحشه كتير اوي اوي معدومه الضمير بس ربنا كبير اوي اوي .الحمد لله”.
