السيسي: الشهداء والمصابين قدموا أرواحهم ودمائهم لتفضل مصر هي مصر
كتب – أحمد عبدالله:
أكد الرئيس عبد الفتاح السيسي، أنه تم عرض أغنية ضمن فعاليات الندوة التثقيفية عن الشهداء، مشيرًا إلى انهم قدموا أرواحهم ودمائهم والمصابين قدموا جزء من أجسادهم لتفضل مصر هي مصر.
اقرأ أيضًا.. السيسي يجرى اتصال هاتفي بالرئيس الروسي فلاديمير بوتين
وأضاف الرئيس السيسي، خلال كلمته ضمن فعاليات الندوة التثقيفية الـ 35 للقوات المسلحة بمناسبة الاحتفال بيوم الشهيد: ” العهد مننا زى ما هما حرصوا أنها مش تضيع.. احنا كمان نحرص على أنها تفضل موجودة.. مش موجود بس كده.. لا.. موجودة بما يليق بدم وروح كل شهيد ولما بدأت المعركة مع الإرهاب في 2013 و2014 ولغاية شهور قليلة مضت.. كانت كل الناس بتقول الموضوع ده هيفضل كده على طول.. الكابوس ده هياخدنا وياخد ولادنا.. الشر لا يمكن أن ينتصر على أهل الخير.. مهما كان بشاعة وقسوة وغباء وجهل تصرفهم وعدوانهم.. لا يمكن أن تنجح.. الخير في النهاية هينجح”.
وقال السيسي: “كنا بنقول يا ترى نحاربهم والبلد تستنى كده.. ولا نحاربهم والبلد نبنيها كده.. القرار الحرب والبناء.. والشغل واحنا بنقاتل.. ومحدش كتير بيعمل كده.. وده كان من فضل ربنا علينا”.
