نيللي كريم: مسلسل “ذات” أهم نقلة في حياتي.. وحظي حلو إني مثلت أمام الزعيم
كتبت-مي محمود
قالت الفنانة نيللي كريم، إن نقطة بدايتها كانت في إسكندرية بحكم ولادتها فيها، إذ بدأت تتعلم الباليه في الرابعة من عمرها كهواية.
و أضافت خلال حوارها لبرنامج ع اللوكيشن الذي يذاع علي راديو هيتس، “روحت روسيا قعدت عشر سنين وخلصت ثانوية عامة، وهناك اتعلمت باليه و موسيقى، وكنت بدرس باليه في أكاديمية الفنون قسم إخراج مسرح”.
أما عن محطاتها المهمة فقالت: “من ضمن محطات حياتي المهمة محطة الفوازير من خلال أستاذتي دكتورة ماجدة عز و كان اقتراح أستاذ يحيي العلمي، مع اني كنت شايفة الكارير بتاعي باليه بس والمحطة التانية في حياتي لحظي الحلو شافتني سيدة الشاشة العربية فاتن حمامة وخلتني أمثل معاها في مسلسل وجه القمر، وكنت عاملة دور بنتها”.
و تابعت “بعد كل دة كنت حاسة إن عمري ما هسيب الباليه لحد ما قابلت المخرجة العظيمة كاملة أبو ذكري و عملت معاها فيلم واحد صفر”.
واختتمت “اتعلمت ان مفيش أي حاجة بتيجي بسهولة، أي حاجة علشان توصلها بتقعد تعافر وتعاند مع نفسك وكل حاجة محتاجة صبر و شغل، وعملت حاجات راضية عنها وحاجات مش راضية عنها وحاجات كانت ممكن تبقي احسن لكن كل حاجة بتيجي بالتدريج، و أهم نقلة في حياتي كانت مسلسل “ذات”، و مسلسل “سجن النسا” كان محطة مهمة جدا في حياتي، وكان حظي حلو إني اشتغلت مع الأستاذ عادل إمام في فيلم “زهايمر” .
