الدكتور مبروك عطية يعلّق على طلاق ياسمين صبري وأبو هشيمة.. منتهى السخرية

كتبت: هدى الفقى

علّق الدكتور مبروك عطية، أستاذ الشريعة الإسلامية بجامعة الأزهر، على طلاق الفنانة ياسمين صبري ورجل الأعمال أحمد أبوهشيمة، قائلاً:

.. “الدنيا مقلوبة”.. “تزوجا والزواج شريعة ربنا وأذيع أنهما تطلقا والطلاق شريعة ربنا.. إيه اللي يقلب الدنيا”، هكذ علّق الدكتور مبروك عطية، أستاذ الشريعة الإسلامية بجامعة الأزهر، فى بث مباشر على صفحته، على طلاق الفنانة ياسمين صبري ورجل الأعمال أحمد أبوهشيمة.

وتساءل عطية مستنكرا في الفيديو الذى نشره عبر صفحته الرسمية بموقع “فيس بوك” : تزوجا والزواج شريعة ربنا وأذيع أنهما تطلقا والطلاق شريعة ربنا.. إيه اللي يقلب الدنيا”.

وأضاف: “جابلها خاتم في الأول بـ 3 مليون.. كنتوا معاه في الفاتورة؟ ما جايز بربع مليون، هو النائب المحترم لو استشارني كنت هقوله 30 ألف حلو يا أبوحميد والباقي أكل بيه الغلابة طيب لو رد عليا وقالي أنا مطلع زكاتي كنت قولتله تصدق قالي متصدق أقوله إيه مش كفاية زكاة وصدقة أقوله كمان اتبرع بكل مالك؟”.

وتابع: “جابلها عربية بـ 10 مليون، لو استشارني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني 4”.

وواصل عطية: “لو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم جابه لمراته أدى لمراته حقها نشيل من راسنا سواد نظرتنا لكل ذي مال من زمان”.

وبطريقته فى التهكم قال عطية: “غيرانة.. كان نفسك تبقي هي وتاكلي الصينية.. ياريت أكون هي وآخد أنا العربية مش آخد أبوهشيمة التاجر الناجح لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. اهدوا”.

وأكمل عطية: “شايل طاجن ستك ليه عندك سواد ليه دع الملك للمالك ولا هو هيبطل جواز ولا هي هتبطل جواز وتبقى الدنيا جميلة”.