الرئيس السيسي: تطوير قطاع الكهرباء مش رفاهية
كتب – محمد عيد:
أكد الرئيس عبد الفتاح السيسي، تطوير قطاع الكهرباء على مدار السنوات الماضية وكيفية مساهمته في في تطوير العديد من المشروعات مثل مشروع مستقبل مصر.
اقرأ ايضًا.. السيسي: تكلفة استصلاح مليون فدان بمشروع مستقبل مصر تتخطى 250 مليار جنيه
وقال السيسي خلال كلمته في افتتاح مشروع مستقبل مصر للإنتاج الزراعى”قطاع الكهرباء كان يحتاج إلى التطوير.. المستشفيات مش فيها كهرباء.. البيوت اللى الكهرباء بتقطع فيها مرة واتنين وتلاتة تعمل إيه.. مش رفاهية.. دي عناصر مهمة.. بناء مشروع مستقبل مصر زي ده أو مشروع توشكي.. تقولى أولويات الكهرباء لمرحلة متأخرة مثلا”، “طريق الضبعة بيترفع الكفاءة ويتوسع علشان الحجم هنا حد يقولى كان ممكن يقول بلاش ده؟!”.
قال الرئيس عبد الفتاح السيسي، إن الهدف من الحديث خلال افتتاح المشروعات واستعرض ما يتم فيها هو الإطلاع على حقيقة ما يحدث، متابعا: “نسعى إلى أن يكون هناك فهم كل فيما يخصه.. الحكاية في المشروعات دي إيه.. هقول مثال هو البنية الأساسية للموضوع.. تفتكروا مشروع مستقبل مصر زى ده.. ياخد كهرباء قد إيه؟؟ .. 1250 ميجا.. هو الرقم بيتقال”.
وتابع السيسي،: “لو كانت أولويات الدولة مش داخله فيها الكهرباء والبنية الأساسية أنا متابع الكلام اللى بيتقال كويس.. ومهم أوي الرد النظري ويهمنى أرد عليه في الواقع.. والكلام لينا كلنا.. بنتكلم على 1250 ميجا هنا فى الزراعة، ومش عندنا كهرباء تكفي البيوت، حد ياخد قرار يجهز بلد، البقاء من غير ما ياخد القرار الأجرأ”.
