ميرفت قاسم تكتب «بالعربى الكسيح»: أوشاعات اصح فتح عينيك
يعني بقالك ٧٠٠٠ سنة مفنجل ومفتح عينك.. وجاي ع الكام سنة اللي هيعيشهم قرمط تنام وتشخر !!
لا ويقولك اللعنة تقترب خذوا حذركم !
أبو الهول من مكانه دور المصلحة وجاب زباين.. أيوة كده يا كبير خلي السياحة تنتعش كله جاي يشوف ابو الهول وهو نايم ننه وربنا اللي طلع الاوشاعات دى عبقرينو نشكركم على حسن تعاونكم اللي ولله الحمد صب فى مصلحتنا رغم أنفكم خدوا بقا شوية الأفكار دى خلي الدنيا تروق وتحلي والسياحة والحجوزات تزيد:
#عاجل
تمثال علي مشرفه أزح من مكانه، وراح يشيش ع قهوة الفيشاوى
وتمثال سعد زغلول قلع الطربوش ولبسه تاني ..
طب والنعمة ببقى قاعدة فى حالي زي الراجل الكبارة ده عمك أبو الهول، وأسمع برضه عن نفسي حوارات أول مرة اسمعها
أبوالهول طلع صاحى أهوه وواخد باله من شغله غفوة ابو الهول انعشت السياحة
The great Sphinx of Giza, always amazing
على الرغم من كون الموضوع إشاعة لأن زمن المعجزات انتهي إلا أنها حققت وبدون قصد فائدة مادية ورواج سياحي لمنطقة الاهرامات لم يسبق له مثيل.
تهافت السياح لرؤيه ابوالهول وهو ضارب البيجاما الحرير وماسك موبيله وجنبه مج النسكافيه وقاعد يضحك علينا واحنا بنطلع عليه أوشاعات يا ترى مين أول واحد خرج من عنده الكلام دا ؟!.. وكان ايه الغرض من الإشاعة، هل هى نوع من إثارة الفتن لعمل فوضى.. ولا لجذب السياح لرؤيه معجزات الفراعنة ولعنة الفراعنة؟!.
عموما مهما كان الغرض الحمد لله أنه اتحول لمصلحة بلدنا وانعش السياحة ولو بنسبة بسيطة.
إحداث فوضى بإشاعة أن اأو الهول يغمض عينيه، وأن هذا الحدث وجد فى بردية معناها حدوث كارثة، وتم تكذيب الخبر من جهات مسؤولة ومختصة بشؤون السياحة والآثار ولله الحمد.
ويمكرون ويمكر الله والله خير الماكرين
