خالد سرحان يهاجم سعد لمجرد: “متهم بهتك عرض فتيات ومش هسامحه”
كتبت- مي محمود
نشر الفنان خالد سرحان، بوست عبر صفحته الشخصية على موقع التواصل الاجتماعي “فيسبوك”، هاجم فيه المطرب المغربي سعد لمجرد.
وكتب خالد “في اغنية انا اتريقت عليها في فيديو عندي على الصفحة امبارح.. الاغنية دي كانت تريند على تيك توك وانا بكل امانة مش مميز غير صوت اليسا في الاغنية ومعرفش مين اللي بيغني معاها.. فا صديق ليا كلمني وبالصدفة بيقولي شفت الفيديو بتاعك على اغنية سعد لمجرد قفلت معاه ومسحت البوست في ساعتها”
وتابع “انا الشخص ده ماكنتش اعرفه اصلا غير لما مره من كام سنة وقفني اتصور معايا في فرنسا وبعدها اصدقائي قالولي ان ده مغني واسمه سعد لمجرد، عشان كدا حابب اعتذر لمتابعيني وجمهوري اني ساهمت في ابراز شخص متهم بالاغتصاب في أكتر من دولة وبـ بنات كتير.. انا مش بهاجم ولا حتى بتهم بس عالاقل مش هتسامح مع شخص متهم بإتهامات لا تغفر زي دي ولسا لم تثبت براءته لحد دلوقتي” .
