ميرفت قاسم تكتب « بالعربى الكسيح »: إماطة الأذي عن القلوب
سبوبة الإعلام وتريند السوشيال ميديا والإعلام ودوره فى المجتمع، أصبحت موضوعات لا يمكن السكوت عليها.
فى فيلم “صايع بحر” عند انفصال أحمد حلمي عن خطيبته ذهب لمنزلها وانهال عليها بالسباب.
وأحمد عز فى فيلم “أولاد رزق” هدد أى شخص يحاول الارتباط بخطيبته، وهدد خطيبته بتشويه وجهها.
يا تري الإعلام عايز يصدر لنا أيه؟!.. أو أيه الرسالة اللي بيحاول يوصلها ؟!.. هل هى العنف والخراب؟!.
ولصالح من نشر العنف والإرهاب والبلطجة ؟!.
اتمني أن نقف الآن ونواجه طوفان البلطجة، ومفهوم السبوبة..
وياريت نعمل قانون يجرّم ويمنع الأفلام المليئة بمشاهد العنف والتحريض على البلطجة.
واتمني من الناس يكون عندهم شوية رحمة بأسرة طالبة المنصورة.. أمها و أبوها.
مش عشان تبقوا “تريند” تنتهكوا حرمات البيوت، وحرمات الموتي.
أرجوكم: صوموا عن أذية القلوب.. واستقيموا يرحمكم الله.
