الرئيس السيسي: “الصعيد لم يكن مهمش.. 7 تريليون رقم متواضع قدام الحلم”
قال الرئيس عبدالفتاح السيسي، إن محافظات الصعيد لم تكن مهمشة ولا منسية لكن الدولة لم تكن قادرة على التطوير، متابعا: “في قرية أبو دومة قالوا إن الصعيد كان مهمشا وبيتنسى.. وانا بقولكم لا.. الصعيد ماكنش مهمشا ولا منسى.. البلد ماكنتش قادرة بس”.
اقرأ أيضا.. بث مباشر.. زيارة الرئيس السيسى لسوهاج
وأكد السيسي، خلال كلمته في افتتاح مشروعات قومية جديدة في محافظة سوهاج، على جاهزية دعم المشروعات الشبابية المختلفة، قائلا: “احنا جاهزين.. الأرقام اللى مش تحلموا بيها ومش من جيب الحكومة.. طب ليه.. لأنى مرتب ترتيبات تانية.. الحكومة يعني الدكتور مصطفي مش يزعل مني الحكومة مطحونة جدا”.
وأضاف “الدكتور مصطفي النهارة اتكلم عن محافظة سوهاج.. نصف اللى اتعمل بحياة كريمة ونص من غير حياة كريمة.. بنتكلم عن 7 تريليونات جنيه.. طب الـ 7 تريليون رقم متواضع قدام الحلم.. انا جاي بالطريق والطيارة وشايف .. لسه بدري اوي”.
وتابع الرئيس: “لازم نحترم عقول بعض ..ونبقا موضوعيين وصادقين في التقدير والتقييم لواقعنا ونعرف ليه واقعنا كده؟ علشان البلد مش قادرة .. ومكنتش قادرة .. طيب اللى بيتعمل ده؟ قبل كل شيء توفيق ربنا سباحانه وتعالى ..وثانيا محاولة لتطوير الفكر علشان كده متحمس قوى ليكم ومتحمس دايما للفكرة لانها ممكن تحل مسالة بالمسارة التقليدية متتحلش والفكرة تنجح بالمسار التقليدي متنجحش ..وبالفكرة توفر المسار التقليدي متمولش..الفكرة كده ..البلد اللى ظروفها والنايس اللى ظروفها مش متيسرة قوى معندهاش غير الفكرة والحلم والعمل”.
