طارق الدسوقي يكشف أسباب رفضه مشاركة محمد رمضان فى «العمدة»
كتبت: شيماء وائل
أوضح الفنان طارق الدسوقي سبب اعتذاره عن مسلسل العمدة بطولة محمد رمضان، مشيراً إلى أنه يريد المشاركة في عمل يؤثر على عقليات الناس.
وقال طارق الدسوقي خلال لقائه في برنامج “كلام الناس” مع ياسمين عز، المذاع على قناة “MBC”: “اتعرض عليا عملين السنة اللي فاتت واعتذرت، ومسلسل محمد رمضان”.
ووصف الدسوقى، محمد رمضان بأنه ممثل جيد و “شاطر”، وكذلك المخرج محمد سامي “شاطر جيد”، و “الكاست” كويس جداً”.
وأضاف الدشوقى: “لما قرأت المسلسل، ورحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره”.
طالع المزيد:
– موعد طرح كليب محمد رمضان وديدن كانون «نصابة»
– أمل محمد أمين تكتب: سبع نصائح للسعادة
وتابع الدسوقي “ببساطة شديدة إن وجهة نظر محمد سامي المخرج إن مش المهم إن إحنا نعمل الفن والدراما علشان نسلي الناس مرة نضحكهم نبكيهم، المهم إزاي نسمرهم قدام الشاشة”.
واختتم الدسوقي حديثه، قائلا: ” معنديش وسيلة لإعادة عقليات الناس ومنظومة القيم والأخلاق غير الدراما، وأي خطبة يقولها الشيخ في الجامع أو القس في الكنيسة مش مؤثرة زي الدراما، أو زي المسلسل الدرامي، الصورة والحدوتة، لإن إحنا كشعب مصري وعربي بنميل لـ ده، وبتأثر على ملايين الناس، وبتأثر أكتر من أي حاجة تانية مباشرة”.
