داليا شوقي لمحبيها: « شكرا أنكوا استقبلتوا مشاعرى بأحضان دافية »

كتبت: شيماء وائل

وجهت داليا شوقي الشكر لمحبيها نتيجة لردود الأفعال المشجعة التي تلقتها حول دورها “هند” في مسلسل “وبينا ميعاد”.

وقالت داليا شوقى: “شكرا على حبكم و على دعمكم.. عمرى ما هنسى كلمة اتقالتلى.. عمري ما هنسى كل رسالة قريتها وكل مكالمة جاتلى.. عمرى ما هنسى كل الناس اللى كانت مؤمنة بيا و مؤمنة فيا”.

وتابعت داليا فى رسالة الشكر قائلة: “شكرا على كل “فخور (ة) بيكى” و كل “مبسوطلك من قلبى” و”انتى تستحقى” .. شكرا على كل كلام حصل ما بينكوا فى البيوت.. خصوصا بعد مشاهد غياب الأب ومواجهته.. شكراً على كل مناقشة وكل reflection حصل جواكوا أو براكوا”.

طالع المزيد:

– ركين سعيد تخوض تجربة جديدة في مسلسل «كابوس»

– عودة للكوميديا.. بدء عرض مسلسل « بالطو »

واستكملت “شكرا أنكوا استقبلتوا مشاعرى بأحضان دافية وكبيرة..بشكركم من كل قلبى.. كلامكوا غالى عندى أوى وهيفضل جوه قلبى.. الحمد لله رب العالمين”.

وتفاعل المتابعون مع كلامها وعلقوا قائلين: “انتى بجد تفوقتى على نفسك ما شاء الله أبهرتينى وكنتى أجمل مفاجأة”، “أكتر حد فى ولاد نادية كنت بحبه”، “انتى جميلة وشاطرة وموهوبة”، “خسارة المسلسل خلص.. كنتى حلوة وزى القمر”.
بالإضافة إلى تعليق يقول “كنت بحسك في مسلسل بينا ميعاد حقيقية أوي مش تمثيل براڤو بجد ربنا يوفقك”