كتب – علي حسن

طرحت المطربة غادة رجب، أغنيتها الجديدة “كل الحب ده”، لتعود إلى عالم الغناء من جديد بعد فترة غياب طويلة عن الساحة الغنائية.

اقرأ أيضا.. الفنانة العالمية لاروسي تقدم أغنية باللهجة المصرية

ونشرت غادة فيديو عبر حسابها على موقع فيسبوك قالت فيه: “كل سنة وانتوا طيبين، وكل عيد حب وانتوا بخيرا، استنوا أغنيتى الجديدة كل الحب ده فى عيد الحب”.

أغنية “كل الحب ده” من كلمات أمير طعيمة وألحان وتوزيع محمد عاطف الحلو وتقول كلماتها:..

كلمات اغنية كل الحب ده

معقوله كل الحب ده .. هو انا بحلم ولا ايه

مقدرش انا على كل ده .. ده كتير عليا اللى احنا فيه

معقول بقيت ليا انا .. شكلي حبيبي فى يوم دعيت

مفتوحلي فيه باب السما .. خليك هنا على طول ياريت

حبيبي جنبي وبلمسه .. مبقاش خلاص عني بعيد

كل اما حلم نخلصه .. نرجع و نحلم من جديد

هنعيش سوا وانا بوعدك .. وانا عارفه ان الوعد دين

هتعب علشان بس اسعدك .. متخافش ابدا من السنين

الضحكة دي انا شوفتها .. فى خيالي قبل مشوف عنيك

واهى كل حاجه فى وقتها .. دلوقتي وقت ان أبقى ليك

ويا كل حاجه بحبها .. عمري اللى باقي ما بين أيديك

ويا جنه لما دخلتها .. نسيتنى كل الدنيا بيك

حبيبي جنبي وبلمسه .. مبقاش خلاص عني بعيد