أول رد من صاحبة ضحكة جنازة الفنان مصطفى درويش
كتب – محمد حسن
رحل عن عالمنا صباح اليوم الإثنين، الفنان مصطفى درويش عن عمر يناهز الـ42 عاما، وهو ما أصاب الوسط الفني والشارع المصري بحالة من الصدمة بعد هذا الرحيل المفاجئ للفنان المحبوب.
اقرأ أيضا.. شقيق مصطفى درويش يكشف تفاصيل اللحظات الأخيرة في حياته
وحرص العديد من نجوم الفن على المشاركة في تشييع جثمان الفنان الراحل، لكن على الجانب الآخر تسبب صورة لفتاتين يصوران مراسم التشييع حالة من الجدل بعد ظهورهما وهما تضحكان في ذلك التوقيت.
وفي أول رد فعل على هذه الضجة، كشف أحد الصحفيين تواصله مع إحدى الفتاتين، ونشر عبر حسابه على موقع التواصل الاجتماعي فيسبوك، قائلا :”بمناسبة صورة البنتين اللي بيضحكوا في الجنازة، تواصلت مع احدى البنات اللي ظهروا في الصوره وكانت بتضحك وهي زميله شغاله في مؤسسه صحفيه”.
وأضاف :”بدايه كلامي معاها كانت منهارة تماما ومش قادرة تتكلم بسبب كل الكلام اللي اتقال عليها من الفنانين اللي روجوا للصوره دون معرفه تفاصيل الصوره ايه وايه سبب ضحكهم “.
وتابع :”سألتها عن تفاصيل الصوره وايه الموقف اللي حصل وقت الصوره “ودي شهاده لله”، قالتلي ان هي كانت ماسكه موبايلين وبتصور والبلوزه اترفعت وايدها ظهرت اثناء وهي بتصور شاورت لصاحبتها اللي كانت واقفه جنبها ترفع البلوزه نظرا لان هي كانت ماسكه موبيلين عشان مفيش جزء من جسمها يبان، صاحبتها ابتسمت ليها وقالتها ان دا وقته يعني؟ ف الزميله ردت بابتسامه وقالتها يعني ايدي تبان او جزء من جسمي ؟ وضحكوا هما الاتنين في موقف عادي ممكن اي اتنين يمروا بيه ..
طيب هنرجع ونسأل هل البنات كانت بتضحك علي الشخص اللي منهار قدامهم ومش حاسسين بالموقف ؟! الاجابه لا ولكن لسوء الخط ان هما ظهروا وتصورا”.
وأشار :”دا كل اللي حصل ودا كلام الزميله انا مش بلوم حد انتقدهم لان حتي انا انتقدهم اول ما شوفت الصوره ولكن اكيد بيكون في تفاصيل وراء الصوره واكيد لازم تتوضح .. كفايه كلام عن البنات لان حرام اللي بيتقال عليهم دا”.
واختتم :”عايز اقولكم كمان اني كلمت زميل ليها وقالي ان هي انفصلت من الشغل بعد الصوره ودي !!، دي الحقيقة قدامكم وارجعوا للفيديوهات الأول وبعد كدا احكموا عليهم “.
