سيرة مصطفى درويش فى دمنهور.. وصلاة الغائب على روحه

كتبت: هدى الفقى
أعلنت الجروبات الرسمية لـ “دمنهور” مسقط رأس الفنان الراحل إقامة صلاة الغائب على روح الفنان مصطفى درويش، وذلك بعد صلاة المغرب اليوم الثلاثاء بمسجد يونس بدمنهور.
ونشرت صفحات المدينة قبسا عطرا من سيرة المرحوم، على لسان شهود أحياء رفقوا المرحوم وعرفوه معرفة شخصية.
ونشرت صفحة “أحداث دمنهورالجروب الرسمي لمحافظة البحيرة” على “فيسبوك” صور للفنان الراحل مصحوبة بالتعليق الآتى:
“شقة الخير اللي كان مأجرها عشان يجمع فيها ملابس ووجبات وتتوزع بشكل مستمر
‏المطعم بتاعه اللي كان بيطلع منه أكل مجانًا للمحتاجين
‏فيديوهات كان بيعملها للجمعيات الخيرية ومساهمة معاهم في اغلب مساعداتهم
‏احترامه لنفسه وعدم مشاركته في اي عمل يخالف قناعاته
‏موقفه مع الفنان شريف الدسوقي بعد بتر القدم ومطالبته طول الوقت بدعمه دعم حقيقي من خلال الشغل مش دعم معنوي فقط
‏ابن بلد وجدع وسيرته طيبة وطول الوقت بيعمل خير . الواحد بيزعل على الناس اللي زي الفنان مصطفى درويش جدًا. ربنا يرحمك ويغفر لك ويجعل كل خير عملته في ميزان حسناتك”.

طالع المزيد:

•   الليلة.. عزاء الفنان الراحل مصطفى درويش في مسجد الشرطة

• شقيق مصطفى درويش يكشف تفاصيل اللحظات الأخيرة في حياته

ونقلت الصفحة عن السائق الخاص للفنان الراحل شهادته التى قال فيها:
“كان مفروض هنتقابل النهارده عشان أستاذ مصطفى مجهز أظرف فيه مبالغ مالية مساعدات متعود يبعتني بيها لناس كل شهر..
كان عارف الناس دي واحد واحد..
أنا مصدوم، كنا هنتقابل النهارده عشان نجهز للشغل الجديد.. كان محترم وجدع أوي واللي في ايده مش له..
ده كلام السائق..
تخيل بقى كل الخير ده اللي كان مستخبي طلع عشان يعرفك أنه كله زايل ماعدا عملك هو اللي هيفضل معاك حتى بعد موتك..
ربنا يرحمك يامحترم عملت لنفسك دنيا وآخرة وسيبت سيرة حلوة”