كتب – نور منصور

تسببت الفنانة نادية يسري في عودة قضية مقتل الفنانة سعاد حسني للساحة من جديد، بعد مرور 22 عامًا من وفاتها؛ حيث أعلنت نادية يسري أنها ستكشف مفاجآت جديدة لأول مرة.

اقرأ أيضا.. الفنان صبري عبد المنعم يكشف تفاصيل تعرضه لعملية نصب

ونشرت نادية يسري عبر فيس بوك، منشورا قالت فيه :”أنا هنزل شوية من أوراق تحقيقات سكتولند يارد في انتحار سعاد حسني علشان الناس اللي بتقول ماحققوش وقفلوا على الموضوع وعملوا سيناريوهات طبعا كله عشان يتاجروا بموتها”.

وتابعت :”هنزل كمان رسائل سعاد حسني اللي عمري ما وريتها لحد بخط إيدها وهي بتعبر عن وجعها وتعبها ونفسيتها ومشاكلها المالية وهجاوب على شوية الأسئلة اللي بتتكرر من 22 سنة، والشيخ الشعراوي رحمة الله عليه ببشر المظلومين وقال لا يموت ظلوم في الكون حتى ينتقم الله منه”.

وأضافت :أنا متأكدة إن ربنا الحق العادل ها يكرمني ويجبلي حقي منهم ومن كل واحد ظلمني وافترى عليا، حسبي الله ونعم الوكيل فيكم، بس خلاص قربت تخلص خالص إن شاء الله”.