كتب – نور علي

نشبت حرب تصريحات بين الفنان سعد الصغير، والمطربة بوسي، حيث وجه إليها رسالة شديدة اللهجة ردا على تصريحاتها الأخيرة التي ذكرت خلالها، أنه يسعى إلى التريند، وأنها لم تطلب منه التدخل في شئون حياتها الخاصة.

اقرأ أيضا.. إخلاء سبيل الراقصة بوسي

وقال سعد الصغير :”بوسي دلوقتي بتقولي متتدخلش في حياتي؟!، إنتي مدخلاني في حياتك من ساعة ما ربنا خلقك، كل المشاكل أنا اللي كنت بخلصها”.

وتابع :”اللي جايب لها أغنية آه يا دنيا أنا، لما كان طليقها بيضربها ويحصل مشاكل كانت بتقول الحقني أنا ومحمود الليثي، لما دخلت السجن وكان عليها شيكات، ولما كانت هربانة بره البلد وطلع عينها، ومن الآخر مكنش معاها جنيه أنا اللي وقفت جنبها، دلوقتي بتقولي متدخلش!”.

وفي وقت سابق، ردت بوسي على تصريحات سعد الصغير بعد وفاة والدها الحاج محمد شعبان، مُتأثرًا بأمراض الشيخوخة، وقالت في تصريحات تليفزيونية: ميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، ليه بتدخل نفسك في حاجة متخصكش؟ هتقول زميلتك أنا مطلبتش منك تتدخل.