كتب – محمد نور

أعلنت الفنانة حورية فرغلي، أنها اكتشفت وجود 9 أورام خبيثة بالرحم، كما أعربت عن حزنها بسبب عدم اطمئنان أحد من الوسط الفني على حالتها الصحية.

اقرأ أيضا.. حورية فرغلي من على سرير المرض: ولدت من جديد

وأوضحت حورية فرغلي في مداخلة هاتفية مع برنامج مساء DMC، أن الأورام كانت داخل الرحم بطول 6 سم و4 سم، ومن ثم كان لا بد من استئصال الرحم بالكامل.

وقالت حورية: “مكنتش أعرف الحكاية دي إلا لما قومت من البنج، كنت نفسي أخلف بس ربنا مش رايد والحمد لله بمشي على رجلي وإن شاء الله هرجع لشغلي تاني وهيبقى عندي طاقة أكتر من الأول، والنزيف اللي كان بيجيلي كل شهر كان بيستنزفني والهيموجلوبين كان عندي 3.. بقول للناس اللي بتدعيلي أنا لو كويسة فهيكون بسبب دعاكم”.

وأشارت الفنانة حورية فرغلي، إلى أنه سبق ومنحها الطبيب الذي كان مشرفا على حالتها الصحية فرصة لمدة 10 سنوات للزواج، ومحاولة الإنجاب، وخلال عملية الإنجاب يستئصل الرحم في الوقت ذاته.

وأضافت حورية فرغلي، إنها خرجت من المستشفى أول أمس، ولكن لم يتواصل معها أحد أو زيارتها في المستشفى: معرفش مين نزل الصورة وأنا في المستشفى، وكيل أعمالي أكيد اللي نزل الخبر علشان الناس تعرف، لأن المستشفى كلها عرفت، فهو كان عاوز يطمن الناس أو حاجة.. بس أنا زي الفل.

وأوضحت أنها كانت تنتظر زيارتها من أي شخص يعرفها ويحبها، متابعة: دة الطبيعة.. أنا لو شوفت حد مرتين تلاتة ويعمل عملية كبيرة لازم أروحله، بس الحب مش بيتشحت ولا الحنية، ووالدتي بالنسبة ليا الدنيا كلها.