كتاب المعاصر بـ 1000 جنيه.. تريند تصدر المواقع ورد حاسم من دور النشر
كتب_ احمد محمود:
تداول رواد مواقع التواصل الاجتماعي، خلال الساعات القليلة الماضية اخبار تفيد بوصول سعر كتاب المعاصر لـ ألف جنيه.
اقرأ أيضاً..الأرصاد تعلن تفاصيل حالة الطقس اليوم الجمعة.. والصغرى بالقاهرة 24 درجة
وردًا على ذلك قالت نشوى الحوفي مدير النشر بدار نهضة مصر في منشور لها عبر صفحتها بموقع التواصل الاجتماعي: ” الاضواء ب ٦٧٠ جنيه….. وسلاح التلميذ ب٧٠٠ و المعاصر ب ألف… اتفلق يا شعب.. النهاردة الصبح لقيت تليفون وانا في مكتبي في نهضة مصر …من صحفي اسمه استاذ محمد لقيته بيقول لي عايزين تعليق من حضرتك على سعر كتاب الاضواء اللي وصل ٦٧٠ جنيه !!!!!!!! .
كتاب المعاصر بـ 1000 جنيه
وتابعت قائلة:” قلت له حضرتك بتقول ايه …قالي ده تريند من امبارح على الفيسبوك!!!! قلت له الكلام ده مش حقيقي بس خليني اسأل زمايلي المسؤولين عن الموضوع…”.
أسعار الكتب الخارجية
واستكملت الحوفي: “طلعت لزمايلي في بيع الاضواء وعرفت أن اغلى كتاب في الاضواء تالتة ثانوي ب ٢٩٠ جنيه….وما فيش حاجة خالص بالأرقام دي، اتصلت بالصحفي وبعت له اسعار الكتب كلها ….وطلبت منه يشوف بقية الدور اللي بتطلع كتب خارجية …وعرفت أنه عمل كده لانه طلع معاهم نفس القصة”.
وقالت مدير النشر بدار نهضة مصر: “بدأت افهم ان القصة مش منافس بيطلع على منافس القصة أجهزة و حسابات شغالة على إرهاق نفسية الشعب بأخبار تحيطه …بيضغطوا عليه يغضب….بيستفزوا الغلاء والأزمة عشان يحسسوه بالعجز.. قولا واحدة الاضواء وسلاح التلميذ والمعاصر اسعارها موجودة على مواقعها وفي المكتبات …ما تصدقوش الاشاعات ..حتزيد الفترة الجاية ….. تجاهلوها”.
