«جيت أسمع ضربات قلبه مسمعتش حاجة».. شريف يسرد الثوانى الأخيرة في حياة طارق عبد العزيز
كتبت: هدى الفقى
وافت الفنان طارق عبد العزيز المنية أمس الأحد بعد تعرضه لأزمة قلبية، عن عمر يناهز 55 عاما أثناء تصوير مسلسل “وبقينا اتنين”.
ومن المقرر تشييع جثمان الفنان الراحل ظهر غد الإثنين من مسجد الشرطة في الشيخ زايد.
وسرد الفنان شريف منير، الذى زامل الراحل، تفاصيل ما حدث خلال اللحظات الأخيرة فى حياة طارق عبد العزيز، ، فقال: “كان عندنا تصوير النهاردة في فيلا بأكتوبر الساعة 11 الصبح ، وطارق كان بيلعب شخصية شريف ، وكان موجود وكان في حالة تألق كبيرة ونفسية جيدة ونشيط وبيضحك وكل حاجة كانت ماشية بشكل طبيعي”.
طالع المزيد:
وأضاف شربف منير فى مداخلة تلفزيونية مع الإعلامى عمرو أديب فى برنامج “الحكاية” المذاع على “أم بى سى مصر”: “مشهد أنا بعمله هو وممثلة شابة بتيجي ترن جرس وهو بيفتح الباب وأنا بدخلهم الكادر وهو في وسطنا وبيسبنا وبيخرج وعملنا بروفة وصورنا أول مرة الشوت وكان واقف جنبي والمخرج قال عاوزين نعمله مرة تانية، والمخرج بيقول أكشن جه طارق ناحيتي وشوفت لونه بيروح وسند عليا وقعد على كرسي وسند دماغه على واحد واقف قصادي وقال لي مش قادر أقف على رجلي وجسمه أصفر وفجأة أبيض وجسمه سقع وحاولت أدلكله قلبه ولقيت عينه مرفوعة لفوق وفتحتله القميص وجيت أسمع ضربات قلبه مسمعتش حاجة”.
وواصل: “قمنا بنقله للمستشفى ولما رحنا الدكاترة قالوا لنا أنه جه المستشفى متوفي وأنا شفته وهو روحه بتطلع”.
وأضاف: “كان دايما بيقول أنا فرحان بالشخصية دي جدا والخبر نزل عليا كالصاعقة وحسيت بعدها أن الدنيا متستاهلش حاجة”.
وانتهى منير بالإعراب عن شديد حزنه لرحيل الفنان طارق عبد العزيز
.
