رضا عبد العال: ” أبوس أيديكم كفاية “
كتبت: هدى الفقى
أعرب رضا عبدالعال، لاعب المنتخب والأهلى السابق، عن شديد غضبه بسبب أداء منتخب مصر أمام الرأس الأخضر في الجولة الثالثة من دور مجموعات بطولة أمم أفريقيا.
وفى تعليقه على المباراة قال عبدالعال في تصريحات لبرنامج “البريمو” المذاع على قناة TEN : “مكانش فيه خطه دفاعية ولا هجومية ، منزل مصطفي فتحي اخر 10 دقايق مجهوده كان أحسن من زيزو ومرموش”.
وأضاف عبد العال : “الناس عماله تقولك بعد خروج محمد صلاح المنتخب هيفك ، طب مفكش ليه النهاردة ؟ ، وحمدي فتحي تايه في البطولة دي ملوش أي دور”.
طالع المزيد:
– شاهد| رد صادم من رضا عبد العال: من المدرب الوطني الذي يصلح لتدريب منتخب مصر؟
وواصل : “مدرب الرأس الأخضر ، مريح كل اللعيبة وبيلاعبك بأقل مجهود ، ولو كسبوا مصر كأنهم اخدوا البطولة ، مش هيوصلوا للنهائي لأنهم فريق معندوش خبرة رغم أنهم فريق محترم.
وفى انفعال قال عبد العال: “عيب ، المجاملات لازم تنتهي زهقنا واتخنقنا والمصحف كنا هنموت النهاردة ، أيام حسن شحاتة كنت بتبقي قاعد حاطط رجل علي رجل ، لازم المنظومة تتعدل ، أبوس أيديكم كفاية مجاملات.
