حورية فرغلي تتصدر التريند بعد الحديث عن علاقتها بالعفاريت والجن

كتبت_ فريدة هشام:

تصدرت الفنانة حورية فرغلي محرك البحث جوجل تريند بعد الحديث عن علاقتها بالعفاريت والجن.

إقرأ أيضا..أحداث الحلقة لـ 12 من المسلسلات التاريخية والدراما الشعبية

وقالت “الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك في البيت؟”.

حورية فرغلي

وتابعت حورية فرغلي، خلال حوارها مع الإعلامية بسمة وهبة، ببرنامج “العرافة” المذاع على قناة “المحور”،: “أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب”.

واضافت “اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي”.

وواصلت :”كان فيه عفاريت معايا في الشقة ولا يؤذونني وأقرا سورة البقرة كل يوم جمعة وبشغل القرآن وهذا لا يضايقهم، هؤلاء موجودين ولا يختفون رغم قراءة القرآن”.