تفاصيل إصابة كندة علوش بالسرطان
كتب_ زين ابراهيم:
اعلنت النجمة كندة علوش عن تفاصيل إصابتها بمرض السرطان ورحلتها مع مرض الذي عانت منه لفترة واكتشفته عن طريق الصدفة، وساندها في الفترة الصعبة زوجها الفنان عمرو يوسف الذي حرص على دعمها والوقوف بجانبها، وذهب معها جلسات العلاج.
إقرأ أيضا..حفل غنائي لبلقيس في مهرجان موازين بالمغرب
وتابعت كندة علوش إنها لم تتخيل للحظة أنها مُصابة بالسرطان، لافتة إلى أنها من الشخصيات اللاتي يهملن في صحتهن، ولا يفكرن في أنفسهن، بسبب الانشغال بأمور المنزل وأطفالها، وزوجها عمرو يوسف وعائلتها.
كندة علوش
وتابعت كندة: «خدت عينة لمعمل التحاليل، ولحد دلوقت مستمرة في العلاج، وكنت باخد سيشن العلاج بشكل أسبوعي والرحلة كانت لطيفة، والجلسات كنت بروح مع عمرو بس وكنت عايزة أمشي الرحلة لوحدي، مش بحب، ومكنتش عايزة أحس إني عيانة».
وقالت علوش: «أنا مازلت أواصل العلاج من السرطان، وكنت بحاول أكون إيجابية واتحمل المرض لوحدي، حتى عمرو مكنتش عايزاه ييجي معايا، هو اللي كان بيصمم ييجي كل مرة معايا الجلسات، وحتى أصحابي كنت ببعدهم عنيّ في الفترة دي، لاني كنت عايزة أخوض التجربة لوحدي، وقولت أكيد ربنا عايز يلفت نظري لحاجة أو اتعلم حاجة».
واختتمت: «أنا اتكسرت بجد وقت ما عرفت إن والدتي عندها نفس المرض، وفي نفس المكان ولكن المرض عندها كان مختلف عنيّ، عشان كده هي عملت جراحة على طول، ثم بدأت بعدها العلاج الكيميائي، وكنّا نذهب الجلسات معًا، وأنا كنت خائفة أكتر على مامتي، لأن أمي بتتوتر وبتخاف أكتر مني، ولكن كنّا دائمًا نردد كلمة الحمد لله».
