تيته لوزه تسأل وزير التربية والتعليم: “وديت أم العلوم فين؟!”
كتبت: هدى الفقى
سخرت البلوجر المشهورة “تيته لوزه” من أحدث تغيير تم على المواد الدراسية للثانوية العامة، قبل أن يمضى عليه أكثر من 48 ساعة.
ونشرت “لوزه” فيديو على صفحتها الشخصية بموقع “فيس بوك”، تشرح فيه التغيير فى المواد الدراسية من وجهة نظرها حيث قالت:
” ساب الفيزيا والكيميا طبعا الفزيا رائعة .. ليه؟ عشان تعمل لهم “حوّل” تقصد الطلاب، مضيفة، شال علم النفس، وشال الفلسفة أم العلوم، كده العلوم هتعيش يتيمة أم العلوم كلها.. أنت وديت أم العلوم فين؟! لأ أنا مش يشتم، الفلسفة فعلا أم العلوم”.
وأضافت البلوجر: “كل أسرة محتاجة تلاجة وبوتجاز وإير كونديشين وطبيب نفسى.. إحنا محتاجين أللى يترجم لنا علاقتنا مع بعض، فأنت بتشيل من العيال كل المواد الفكرية اللى بتعمل لهم توسع فى العقل؟”.
الفيديو الذى تبلغ مدته حوالى 7 دقائق، نال خلال الساعات الأربع والعشرين الفائتة حقق ما يزيد على مليونى مرة تشغيل، وما يقرب من 33 ألف تفاعل، و 3 آلاف تعليق، ما بين مؤيد ومعارض، ومن هذه التعليقات، قال أحد أصحاب الحسابات على “فيسبوك: ” هو اى نقد وخلاص هو بيخفف العبء على الطالب وعلى اولياء الامور وبعدين الفلسفه والمنطق مش محور الكون يعنى بطلوا اوفره”.
وقال صاحب حساب أخر:
“الحمد لله علم النفس طلع موجود ..المواد الانسانيه دى اساس الفكر الانسانى السوى اصلا و هى الوازع الاخلاقى اللى بتقيد العلوم الاخرى و الا اخدنا العلم لأى مدى دون رابط او قيد انسانى و اخلاقى ..بس الكلام ده مش اى حد يفهمه للاسف ..كليه الاداب زمان و لازالت مناهجها رائعة بجد لكن احنا فى زمن الهرم المقلوب و سيطرة الارقام على العقول ..”
شاهد الفيديو كاملا فى الآتى:
