محاكمة المتهم بقـ ـتل 3 مصريين في قطر
كتب ـ احمد ابراهيم:
تنظر اليوم الأحد محكمة الجنايات في العباسة محاكمة المتهم بقـ ـتل 3 مصريين في قطر، بعد أن تم إحالة القضية لمفتي الجمهورية لأخذ الرأي الشرعي في إعدامه.
وكان قد أدلى المتهم بقتل 3 مصريين في قطر باعترافات تفصيلية حول الحادث، عقب القبض عليه
وقال المتهم بقـ ـتل 3 مصريين في قطر «أنا سافرت قطر عشان أحضر كأس العالم، وبعدين قررت إني أهرب هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب إسمهم عبدالسلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة».
واضاف المتهم ت.م في التحقيقات أمام نيابة حوادث شرق القاهرة «أنا قولتلهم مش معايا أي فلوس خالص، ومش لاقي مكان أنام فيه وروحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان ديما قلقان مني ومش مرتاح لوجودي وفضلت قاعد معاهم لحد نهاية شهر رمضان».
ومن جانبها فقد قدمت النيابة العامة أدلة قوية تثبت تورط المتهم في الجريمة، منها اعترافات المتهم، وشهادة الشهود، والأدلة المادية.
وقعت الجريمة داخل منزل الضحايا في دولة قطر، حيث استدرج المتهم الضحايا إلى مكان منعزل وطعنهم بسكين حتى فارقوا الحياة، كما أثبتت التحقيقات التى أكدت أن الدافع وراء الجريمة هو النية الإجرامية للقتل بهدف السرقة.
وتمكنت الأجهزة الأمنية من القبض على الجاني وإعادته إلى مصر لمحاكمته.
