أول رد من محلات بلبن بعد أزمة أسماء منتجاتهم غير الأخلاقية
كما تابعت:” اولاً الحمد لله رب العالمين علي النعمة الكبيرة اللي احنا فيها وتوفيق ربنا الكبير لينا في كل الدول العربية اللي فتحنا فيها واللي كنا وجهة مشرفة فيها وبنفخر اننا براند مصري ١٠٠٪”.
أزمة أسماء منتجات بلبن
واضافت:” ثانياً احنا محل حلويات يا جماعة يعني الموضوع في الحقيقة بسيط جداً بس عشان النجاح والفروع الكتير فا تلاقي الكلام عننا كتير الحمد لله لكن لما تلاقي مطعم عنده فرع ولا اتنين مسمي سندوتش الفياجرا ده اللي عادي خالص طبعاً ومفيهوش افساد للذوق العام وحضرتك بتروح تطلبه عادي”.
وتابعت:” ثالثاً الاسامي عندنا من باب التهريج البحت ومعظمها بيكون صدف مرتبطة ب حاجات حصلت اثناء التجارب ( من وجهة نظرنا اللي ممكن متكونش مقنعة بالنسبالك فا مثلاً فكرة اسم المنتج اللي عليه الضجة كان هيتسمي لهاليبو بس في الاول علي اساس ان العجين سخن من بره وده مش العادي في الايس كريم بعد كده اتضاف كلمة يح يح علي اساس انه ساقع من جوه ) وفعلا الموضوع بالنسبالنا كان تهريج تماماً مش مقصود بيه اي حاجة كنا شايفينة اسم مضحك افيه زي قوليلي يا محاميحو كده (الموضوع بسيط وتافه واتجاه كوميدي)”.
قالت: ” رابعاً بجد كل اللي بيحصل وبنشوفه في التلفزيون وعالنت واسامي منتجاتنا هي اللي بتفسد الذوق العام ؟
اسامي منتجاتنا عاملة ازمة اخلاقية لدرجة انك بتدعو لمقاطعة مكان اكل عيش ليه اكتر من ٧٠ فرع في مصر وبيشتغل في ارباب اكتر من ٢٠ الف اسرة ؟ كان ممكن تكتفي علي فكرة انك متطلبش المنتج بس لأن في حاجات اخلاقية كتير قوي محتاجين نتكلم فيها اهم من اسم منتج ايس كريم في السوق مش علي هواك لكن تطالب بمقاطعة مكان اكل عيش الناس دي كلها ؟ والله حاسس ان الموضوع مش منطقي حببتين تلاتة”.
وواصلت : ” خامساً احنا اسفين ل اي حد شايفنا غلطانين وحاسس ان احنا فعلاً اللي عاملين ازمة بسبب اسم لهاليبو
من النهاردة قررنا تغيير اسم المنتج خالص لاي اسم يرضي الجميع و يكون في الصالح العام وممكن نلغي المنتج خالص عادي “.
كما قالت :” اخيراً احنا بنتقي ربنا في اكل عيشنا والحمد لله قصة نجاح مصرية في ٨ دول عربية ب اكتر من ١٨٠ فرع واكتر من ٤٠ الف مصري شغال في المجموعة دي سواء داخل مصر أو في الخارج واه عندنا اخطاء تشغيلية ومشاكل شغالين علي حلها وبنسمع لكل النقد وبنحاول نحل كل المشاكل و الحمد لله مستوانا في تحسن مستمر في كل حاجة وبنشتغل علي كل اخطائنا وبنتعلم منها ومش بنكابر وعشان كده الحمد لله ربنا بيكرمنا ولسا قدامنا كتير وعندنا خطة تطوير وتحسين لكل حاجة وبنشكر ربنا ومن بعده كل الناس اللي بتساندنا وكل اللي بينتقدنا نقد بناء بيساعدنا اننا نكون احسن”.
واختتمت عارفين ان الكلام طول بس كان لازم نفضفض بنعتذرلكم مره تانية ونتمني محدش يكون زعلان مننا “.
